Convocatoria por Asturies va defender na Xunta la prohibición de menores nes "corridas de toros", un 'espectáculu monstruosu'

El portavoz de Convocatoria por Asturies, Xabel Vegas, defendió esti martes la toma en consideración de la proposición de llei que se debatirá esti xueves na Xunta Xeneral pa impedir l'accesu a menores de 16 años a les "corridas de toros" y prohibir el consumu d'alcohol nes places taurines.

Convocatoria por Asturies va sofitar la reforma pa torgar l'asistencia de menores a los espectáculos taurinos, mientres la tramitación de la reforma de la Llei d'Espectáculos, al considerar que les "corridas de toros" constitúin un “espectáculu monstruosu” y que tien de prevalecer la proteición de la infancia.

La organización recuerda los encamientos fechos por organismos internacionales p'alloñar a neños y adolescentes n'entornos au s'exerce violencia escontra los animales. Nesi sen, defende que la normativa asturiana avance escontra una mayor proteición de los menores.

Convocatoria por Asturies enmarca esta posición dientro del so compromisu col bienestar animal y los derechos de la infancia, y anuncia que va caltener el so sofitu a les iniciatives empuestes a torgar la presencia de menores nesti tipu d'espectáculos.