Ibias conviértese esti fin de selmana na capital del vinu d'Asturies

Esti fin de selmana, el conceyu d'Ibias vístise de gala pa celebrar la XVI Fiesta del Vinu. La cita, entamada pola Asociación de Viticultores y Bodegueros del Valle del Ríu Ibias (VIBO Ibias), va a ser un escaparate de la tradición secular de vinu nel conceyu y de so la calidá.

Los actos entamen na tarde el vienres con vinu profesional nel centru de la programación. Habrá una presentación de les bodegues profesionales que participen nel certame, xuntu con una cata guiada y
posterior alderique ente los bodegueros y el públicu asistente. El sábadu ye'l turnu de los vinos caseros, tando programada una preba d'estos vinos artesanales que fueron donaos por vecinos d'Ibias.

La fiesta tendrá mercáu y música, puedes ver el programa completu na páxina de VIBO, calcando equí.