Con esti Avisu Llegal, la web de 7Díes, n'adelante tamién ESTA WEB, quier dexar constancia de la siguiente información:
7Díes ye una iniciativa privada cola única finalidá de xenerar conteníu n'asturianu al públicu xeneral y contribuyir con ello a la normalización y divulgación del idioma y a la promoción de la cultura asturiana. ESTA WEB nun tien porgüeyu económicu dalgún, polo que nun recibe subvenciones públiques nin sofitu crematísticu de terceros, nun realiza actividaes comerciales, nun vende servicios y nun contién publicidá con fines d'arriquecimientu. L'ámbitu territorial de 7Díes ye'l del dominiu llingüísticu del asturlleonés. ESTA WEB sofita los derechos humanos, les llibertaes civiles y l'Estáu de derechu.
Cola navegación, visualización y usu d'ESTA WEB, el visitante alquier la condición d'usuariu y, por tanto, implica l'aceptación de toles cláusules que s'indiquen nel presente Avisu Llegal. Los usuarios d' ESTA WEB tán obligaos a nun emplegar ESTA WEB pa la realización d'actividaes contraries a la llei, a la moral, al orde públicu y, en xeneral, una utilización perversa o maliciosa de la información arramada nella. 7Díes nun recopila información de calter personal de los usuarios.
El conteníu que 7Díes ufre obtiénse por fontes propies, notes de prensa d'instituciones públiques y privaes, por IA (Intelixencia Artificial) y por terceros; la información xenerada por IA ye revisada por un equipu humanu. Los derechos de dicha información pertenecen a los sos autores, ESTA WEB llimítase a la so xestión informativa y espardimientu n'asturianu.
En nengún casu 7Díes pretende suplantar, sustituyir, competir o reemplazar la información de los medios de comunicación tradicionales y masivos y ente los que s'incluyen la televisión, la radio, la prensa escrita y la prensa online. Énte la dulda que surda demientres la llectura de cualquier noticia n'ESTA WEB o la necesidá d'ampliación de la información afalamos a la visita y consulta de dichos medios de comunicación masivos y de los medios oficiales.
La información ofrecida n' ESTA WEB pretende ser veraz, pero nun se garantiza que seya precisa o llibre d'error. L'usu de la información que l'usuariu obtenga d'esta páxina ta baxo la so propia responsabilidá. El conteníu de 7Díes ye de calter divulgativu y nun constitúi asesoramientu llegal nin profesional de nengún tipu.
Dada la naturaleza altruista de 7Díes, les collaboraciones o información recibío nun son remuneraes, siendo'l so fin últimu la difusión cultural en llingua asturiana. La periodicidá de la información amosada n'ESTA WEB depende de la compatibilidá y disponibilidá personal de los promotores del proyeutu.
Los enllaces incluyíos na web de 7Díes nun son revisaos nin son oxetu de control por parte d'ESTA WEB, polo qu' ESTA WEB nun se considera responsable de los conteníos d'esos sitios web, nin de les midíes qu'adopten relatives a la privacidá o tratamientu de datos personales o otros que pudieran derivar.
El proyeutu de 7Díes podrá dase por finalizáu, suspendíu o interrumpíu en cualquier momentu ensin necesidá d'avisu previu, y con ello tamién l'accesu a los conteníos de la web ensin posibilidá por parte del usuariu d'esixir indemninación dalguna.