Descarga de manera gratuita'l Calendariu Científicu Escolar n'asturianu

El calendariu ye una iniciativa que pretende contribuyir a averar la cultura científica a la población más nueva y crear referentes lo más cercanos posibles pa ellos. Pa ello, faise un esfuerzu en dar a conocer persones y afayos del presente que constituyan referencies pa la mocedá y, coles mesmes, dean una visión de dinamismu y actualidá. Empréstase especial atención al fomentu d'un llinguaxe non sexista y al aumentu de la visibilidá de les muyeres científiques y teunólogues, pa poner a disposición modelos referentes que promuevan les vocaciones científico-téuniques ente les neñes y adolescentes. Tamién se punxo un énfasis particular en sopelexar l'actividá investigadora de los centros públicos españoles.

Amás d'una versión pdf del calendariu, el proyeutu ufierta propuestes con actividaes pal so aprovechamientu educativu tresversal nes clases. Les propuestes parten de los principios d'inclusión, normalización y equidá. Apúrrese tamién un anexu con una esbilla d'efemérides con redaición cenciella a manera de referente pa trabayar col alumnáu de menor edá con dificultaes comunicatives. Siguiendo los principios d'accesibilidá y diseñu universal, el conteníu del calendariu ufiértase tamién nun formatu accesible (testu planu) pa la so entrega por aciu TTS, llectores de pantalla, llínies Braille, etc.

Descarga'l calendariu nesti enllaz.