Cultura convoca ayudes pa restaurar y caltener llagares tradicionales con interés etnográficu

La Conseyería de Cultura, Política Llingüística y Deporte llanzó una nueva llinia d'ayudes, dotada con 50.000 euros, pa financiar actuaciones de restauración y caltenimientu de llagares tradicionales con interés etnográficu. Les solicitúes pa esta convocatoria, que busca contribuyir a la proteición d'ún de los elementos materiales más representativos de la cultura sidrera asturiana, van poder presentase dende güei, miércoles, y hasta'l día 10 de xunu.

Esta midida da cumplimientu a unu de los compromisos recoyíos nel Programa pluriañal d'aiciones de preservación y promoción de la cultura sidrera asturiana, impulsáu pol Gobiernu d'Asturies tres la reconocencia de la Unesco como patrimoniu cultural inmaterial, informa la conseyería. El plan contempla más d'un centenar de midíes empobinaes a fortalecer, espublizar y garantizar la tresmisión d'una tradición que forma parte esencial de la identidá cultural d'Asturies.

Los detalles de la convocatoria puen consultase equí.