📰 7DÍES
llunes, 16 de payares de 2026 llunes, 16 de payares 2026
Asturies, con voz propia
// 🔐 el testu na nel config
Actualidá normal

ENTREVISTAArantza Margolles, presidenta d'Iniciativa pol Asturianu: "La rellación de la mocedá col asturianu ye güei más positiva y directa que fai unes décades"

📷 Arantza Margolles
03/07/2026 05:10 | REDAICIÓN
Arantza Margolles Beran (Xixón, 1982) encabeza la Xunta Directiva d'Iniciativa pol Asturianu dende xunetu de 2025. Cumplíu un añu de la presidencia, falamos con ella sobre diferentes aspeutos del idioma.

Cómo ye la rellación actual de la mocedá col asturianu.

La rellación de la mocedá col asturianu ye güei más positiva y directa que fai unes décades. Esto débese, ente otros cuestiones, al crecimientu de la creación cultural n'asturianu, especialmente na música y la lliteratura. Mesmamente anguaño pue sintise musica n'asturianu en Spotify; la revista Formientu ta acabante de cumplir 20 años y la creación lliteraria ta espoxigando, sobremanera nel casu de les muyeres moces. Tamién hai una presencia cada vez mayor del idioma nos centros educativos, anque tovía queda muncho camín por percorrer; y como non, a la so presencia nes redes sociales y n'otros espacios de comunicación contemporánea.

Anque nun me presta muncho categorizar únicamente a les persones pola edá, siendo qu'hai munchos más factores a tener en cuenta pa entender les tendencies y dinámiques sociales, como ye la clás social, la situación económica u otres munches, sí percibimos qu'hai una buena montonera de xente mozo comprometida y más consciente del valor del asturianu como parte del nuesu patrimoniu y de la nuesa herencia cultural. Sicasí, caltiénense dificultaes importantes, especialmente nel ámbitu dixital, onde falta una ufierta amplia de conteníos y ferramientes que faciliten l'usu cotidianu y permitan una mayor identificación de la mocedá cola llingua asturiana, especialmente en plataforma audiovisuales.

Con too, la evolución ye positiva. Agora bien, nun podemos conformanos con esta meyora. Ye necesario siguir xenerando espacios, publicaciones, oportunidaes y iniciatives que permitan a les persones más moces vivir plenamente n'asturianu y exercer los sos derechos llingüísticos.

Denunciaben fai poco dende Iniciativa qu'en Ribeseya s'eliminase la placa de les Sardineres. ¿Cuál cree que ye'l motivu pa qu'un ayuntamientu tome esi determín?

Sí. Dende Iniciativa pol Asturianu sumámonos a una denuncia que consideramos perfectamente xustificada y que, amás, recibió una respuesta poco afortunada por parte del cabezaleru del gobiernu municipal. La supresión del asturianu nuna placa d'una escultura d'homenaxe dedicáu a les sardineres, muyeres que representen una parte fundamental de la historia y la cultura marítima asturiana, ye un error. Nun falamos namás d'una cuestión llingüística, sinón tamién de respetu al patrimoniu cultural y a la memoria colectiva.

Lo que vemos, desgraciadamente, ye que'l Partíu Popular d'Asturies sigue ensin asumir una defensa decidida y valiente del patrimoniu llingüísticu. Resulta paradóxicu que se reivindique la paternidá de la Llei d'Usu y, al mesmu tiempu, nos conceyos onde gobierna nun se desarrollen les ferramientes que la propia llei contempla o se desaprovechen les posibilidaes que brinda dientro d'esti marcu.
Nós vamos siguir trabayando dende'l diálogu y la firmeza. Creemos que ye'l momentu de que toles fuerces polítiques, incluyíu'l PP, se sumen a un gran consensu social y institucional que garantice la igualdá de derechos llingüísticos y permita avanzar hacia la oficialidá.

Dientro de toles campañes qu'entamen dende Iniciativa, una ye la del Buzón del Asturianu. ¿Cómo ye'l perfil del usuariu, qué temática suelen tener, suel ser por dexadez de l'Alministración o son casos de discriminación flagrante?

El perfil de les persones que contacten col Buzón del Asturianu ye mui heteroxéneo. Recibimos comunicaciones de muncha xente mozo, especialmente atenta a los casos que surden nes redes sociales o nos medios de comunicación, pero tamién de persones adultes que detecten incidencies na señalización viaria, na toponimia o na rotulación institucional. La esperiencia d'estos meses demuéstranos que sigue siendo imprescindible cuntar con ferramientes de defensa y reivindicación de los derechos llingüísticos. La mayor parte de les consultes tienen que ver con problemes rellacionaos cola toponimia oficial o col incumplimientu de la normativa vixente, anque tamién recibimos cada vez más comunicaciones positives, y esto ye dalgo que tenemos que valorar.

Tamién hai que destacar que percibimos qu'hai un creciente númberu d'asociaciones de toa triba, entidaes, empreses y colectivos culturales que deciden incorporar l'asturianu al so trabayu cotidianu. Eses bones práutiques son tamién una muestra de que la presencia social de la llingua asturiana sigue avanzando.

Según la intención de votu pa les eleiciones, qué futuru vamos tener qu'afrontar los falantes d'asturianu.

Ye verdá que nun paez que soplen bonos aires, en xeneral, nel futuru de tolos drechos humanos, en xeneral. Pero hai que ser conscientes de dalgo importante: Los drechos llingüísticos nun pueden depender esclusivamente de los ciclos electorales. Ye por eso que seya cual seya'l resultáu de les próximes eleiciones, dende Iniciativa pol Asturianu vamos siguir tendiendo pontes y buscando consensos amplios en defensa del patrimoniu llingüísticu asturianu. Les instituciones tienen una responsabilidá fundamental, ye evidente, pero'l futuru del asturianu depende tamién del compromisu de la propia comunidá llingüística. Del compromisu nuestru, como ciudadanos y ciudadanes. Por eso animamos a tola sociedá asturiana a utilizar (a seguir utilizándola) la llingua con normalidá y a participar activamente na so defensa y promoción.

Pero ¿cómo podemos evitar retrocesos nel tratu de la llingua asturiana dende les instituciones? Voi ser clara: ye difícil. La oficialidá ye una ferramienta imprescindible p'algamalo, ye irrenunciable, pero, inclusives si llegare por fin, tampoco podemos vela como una solución máxica. Incluso con una mayoría parlamentaria favoratable y con un nuevu marcu xurídicu, seguiríen esistiendo retos importantes. Basta mirar a territorios como Galicia, onde la oficialidá ye una realidá col PP dende hai décades, y con una intensa movilización social impulsada por entidaes como A Mesa pola Normalización Lingüística. Les llingües propies, pa sobrevivir, tienen que cuntar col consensu políticu, pero tamién col compromisu social de nun dexar que muerran. No primeru quiciás nun seyan bonos tiempos pal optimismu; no segundu, ehí taremos siempres.

¿Oficialidá amable son términos contradictorios?

Non. Y ensin dulda: non, nun son contradictorios. Nunca nun debiera ser contradictoriu nengún oxetivu que nos marquemos en pro de los drechos humanos col conceptu d'amabilidá, máxime nestos tiempos nos que la incitación al odiu ye un factor presente en munchos discursos político. Nun conocemos otra manera d'entender la oficialidá que non seya dende la amabilidá, la convivencia, el respetu y la llibertá.

Hai que dexar clara una cosa. La oficialidá nun busca imponer nada a naide; busca garantizar derechos. Trátase de que quien quiera vivir, trabayar, estudiar o rellacionase cola Alministración n'asturianu o n'eonaviegu pueda facelo con plenes garantíes. El que quiera facelo en castellán pue siguir faciéndolo con toles garantíes.

La convivencia ente llingües ye una realidá cotidiana n'Asturies ente l'asturianu, l'eonaviegu y el castellán. Únicamente hai que poner la oreya na cai. Lo que falta ye que les nueses llingües propies dexen d'ocupar una posición secundaria y cuenten col reconocimientu y la protección que merecen.

¿Qué identifica'l so mandatu n'Iniciativa?

Iniciativa pol Asturianu cumplió yá quince años de trabayu constante, movilización y compromisu na defensa del idioma. Formar parte de la so dirección ye una responsabilidá que vivo con humildá y con agradecimientu, nun solamente a los socios sinon tamién a quienes m'acompañen na directiva de l'asociación. Si hai que falar de mandatos, nun debe facese en singular. Ye verdá que pola mio parte intento aportar trabayu, ilusión y esfuerciu para que la organización siga creciendo y avanzando escontra l'oxetivu de la igualdá de derechos llingüísticos, pero esto ye dalgo que podríen dicir toos y toes, y caún y caúna, de los miembros de la directiva. Esti ye un trabayu colectivu. Nada d'esto sería posible ensin el trabayu y la implicación diaria de les persones asociaes, voluntaries y collaboradores que sostienen esti proyectu

Si daqué caracteriza esti mandatu, ye precisamente la voluntá de sumar, reforzar la organización y siguir construyendo un movimientu cada vez más ampliu, plural y influyente. Nesti sén, nun m'esmolez dicir que sigo los pasos yá marcaos polos presidentes que me precedieron, Inaciu Galán ya Iván Llera. La sintonía ye plena, porque los oxetivos y les formes nes qu'intentamos algamalo son comunes; eso ye lo que caracteriza a esta asociación. Quien la conoz, lo sabe. L'oxetivu final ye llegar al bon puertu de la oficialidá y la normalización plena del asturianu; la forma y manera, facelo navegando xuntos. Solo asina.

Anteriores

Imagen noticia
Foi Actualidá

Con quién vamos a la mar

Imagen noticia
Foi Actualidá

Nin ye lo mesmo nin s'escribe igual

Imagen noticia
Foi Actualidá

La encuesta del CIS p'Asturies amuesa un escenariu mui abiertu

Tolos partíos se mueven nuna forqueta de dos guarismos

Imagen noticia
Foi Actualidá

Primeros resultaos del estudiu sobre la salú mental de la población afectada pola DANA

Cuasi la metá de la población adulta de les zones afectaes pola DANA presentaba malestar psicolóxicu moderáu o altu ente...

Imagen noticia
Foi Actualidá

Una campaña de Sanidá ta disponible nes llingües cooficiales, amás de rumanu, chinu, inglés, francés y árabe, pero esclúi al asturianu

La campaña establezse pa informar a los migrantes sobre'l so derechu d'accesu a l'asistencia sanitaria pública

Imagen noticia
Foi Actualidá

El próximu llunes 16 el Gobiernu d'Asturies va presentar el presupuestu na Xunta Xeneral

Sedría'l presupuestu que se presenta con mayor prontitú nos postreros 20 años

Imagen noticia
Foi Actualidá

Siete movilizaciones percuerren güei Asturies pola fuelga xeneral

El lema común ye: "Pola vivienda y los salarios: contra'l rentismu, el capital y los sos gobiernos"

Imagen noticia
Foi Actualidá

La XDLA denuncia que'l Conceyu de Siero incumple la toponimia oficial nun proyeutu de rotonda n'El Berrón

Formes como «Langreo», «Pola de Siero» o «Oviedo» apaecen nos lletreros de la rotonda proyeutada

Imagen noticia
Asturies

Cuntando a bultu

Imagen noticia
Asturies

El Gobiernu d'Asturies apuesta en Burdeos pola Macrorrexón Atlántica

La iniciativa busca reforzar la cooperación ente los territorios de la marxe atlántica europea, coordinar les sos priori...

Imagen noticia
Asturies

Asturies respuende a la fuelga xeneral con un paru masivu na industria y el tresporte

La fuelga xeneral d'esti miércoles 11 de payares tuvo n'Asturies una de les sos mayores incidencies de tol Estáu

Imagen noticia
Asturies

Iniciativa pol Asturianu aconceya colos partíos pa tresllada-yos una batería de propuestes llingüístiques

Los contautos faense al mor de les próximes eleiciones xenerales

Imagen noticia
Asturies

Conderguen a una comunidá de propietarios d'Uviéu a indemnizar con 1.020 euros a una empresa d'ascensores

El fechu prodúxose trés la rescisión unillateral del contratu de caltenimientu

Imagen noticia
Asturies

Paneles dixitales en 32 puertos de monte pa facilitar la conducción ivernal

L'añu pasáu activáronse dolce d'estos paneles nos cinco puertos con mayor riesgu d'ádenes

Imagen noticia
Asturies

Historia de pantasmes

Como amante de la ciencia soi perescépticu, por eso nun trago una sola historia de pantames, estraterrestres y otres fal...

Imagen noticia
Asturies

Asturies entaína la construcción de vivienda pública: 36 pisos en Sotrondio y otros 300 proyeutaos n'Uviéu y Villaviciosa

Dientro d'un plan pa impulsar 1500 pisos na llexislatura

Imagen noticia
Mundu

Irlanda del Norte: los xunionistes bloquien la enseñanza n'irlandés

El Partíu Xunionista Democráticu (DUP) paralizó la votación d'una llei destinada a ameyorar la dotación de profesoráu y ...

Imagen noticia
Mundu

A les amenaces de los aviones y centros sanitarios franceses súmense agora les de les escueles n'Italia

Estudiantes y maestros foron unviaos a casa como midida de precaución

Imagen noticia
Mundu

Eisenkot afalaga'l poder n'Israel y amenaza con poner fin a la era Netanyahu

El presidente israelín, Isaac Herzog, encargó a Eisenkot la formación de gobiernu

Imagen noticia
Mundu

El sangre, baxo amenaza dixital: un ciberataque pon en xaque los sistemes de caltenimientu de Francia

L'ataque afectó a parte de los sistemes de refrixeración de les instalaciones

Imagen noticia
Mundu

Les urnes amuesen el desenfotu de la ciudadanía estauxunidense con Trump

El resultáu representa un seriu revés pal actual presidente

Imagen noticia
Mundu

Conclúi la misión de Naciones Xuníes nel Sáḥara Occidental

Llevaba operativa dende 1991 col envís d'ateclar un referéndum

Imagen noticia
Mundu

Israel retírase d'Hebrón trés once díes d'ofensiva militar qu'afectó a más de 3.300 palestinos

La presencia israelina condicionaba la normalidá de la vida na ciudá

Imagen noticia
Mundu

Güei celébrense les eleiciones de mediu mandatu n'Estaos Xuníos

Qué son y qué se xuega l'actual presidente Donald Trump

Imagen noticia
Economía

El tercer carril de l'Avenida de la Siderurgia va ameyorar la fluidez del tráficu y l'accesu de grandes pieces al Puertu

Imagen noticia
Economía

EEXX atolláu n'Irán. El brent xube a los 117 dólares

8 meses dempués del aniciu de la guerra, Irán solmena los mercaos enerxéticos y amenacia con provocar una nueva xuba de ...

Imagen noticia
Economía

Pieslla la campaña del bonitu colos meyores resultaos de la hestoria

El papel de la rula xixonesa sal reforzáu na comercialización d'esta especie

Imagen noticia
Economía

Iguar los defeutos estructurales de la ITV de Granda perpasaría'l millón d'euros

La estación xixonesa permanez pesllada dende mayu por graves defectos estructurales, mientres Itvasa estudia treslladar ...

Imagen noticia
Economía

La xusticia de Mieres anula una tarxeta revolving d'una conocida empresa de distribución por falta de tresparencia

La tarxeta contratóla'l cliente nel mostrador nel intre de pagar una compra

Imagen noticia
Economía

El graneleru YM Pacífico, primer alaska de la temporada nel Puertu d'Avilés

Espérense otros dos buques Alaska pa les próximes selmanes

Imagen noticia
Economía

Movilidá remata'l nuevu pantalán pa la flota pesquera de Llastres

Produzse con una cofinanciación de fondos Feder

Imagen noticia
Economía

El Principáu pon en marcha la segunda fase del programa de compres con descuentos nel pequeñu comerciu

El presupuestu ye de 1,1 millones d'euros

Imagen noticia
Cultura

Acuto Ediciones ufierta de baldre un calendariu con más de 50 fiestes tradicionales d'Asturies pal 2027

La editorial avilesina publica'l Calendariu 2027 de cultura y fiestes tradicionales d'Asturies, que xunta nun mapa numbe...

Imagen noticia
Cultura

Belenos va dedicar el so XXVI Seminariu a la indumentaria tradicional

Va celebrase los próximos 14 y 15 de payares

Imagen noticia
Cultura

Enantes de Halloween yá encendíemos calabaces y nabos: Samaín, la Nueche d'Ánimes

Muncho primero de que les películes yankis popularizaren Halloween, nos pueblos asturianos yá se vaciaben calabaces, enc...

Imagen noticia
Cultura

Vuelve la XXIII Seronda n'Avilés cargada de cultura y gastronomía popular asturiana

La plaza Hermanos Orbón va convertise nel Mercáu de Les Aceñes

Imagen noticia
Cultura

sienti.me: el directoriu más completu de la escena musical asturiana

Imagen noticia
Cultura

Xune Elipe y Dixebra, una vida "Dándo-yos caña"

Presentará el llibru "¡Da-yos caña! El tiempu y el contestu d'una banda de rock astur", esti vienres en Candás

Imagen noticia
Cultura

Asturies empecipia los trámites pa declarar la xota Bien d'Interés Cultural

La tradición musical y de baille, que cunta con siquier seis variantes n'Asturies, aspira tamién a convertise en Patrimo...

Imagen noticia
Cultura

El Grupu de Baille Tradicional San Félix de Candás estrena la producción "Llamando a conceyu"

Imagen noticia
Llingua

Tever Díaz: "La mio visión p'asturianu.org ye tener un campus de toos y pa toos, que podamos trabayar al mesmu nivel que'l restu de llingües"

Imagen noticia
Llingua

La especialidá docente d'asturianu da un reblagu perimportante

Supón una meyora fundamental pa una reivindicación histórica

Imagen noticia
Llingua

Política llingüística: una web al serviciu del idioma

Nella pue accedese a un ampliu espaciu d'información y de recursos

Imagen noticia
Llingua

«Lletres Asturianes» asoleya'l so númberu 135

Ye'l boletín oficial de l'Academia de la Llingua Asturiana

Imagen noticia
Llingua

Sidoro Villa: "Les torgues (al asturianu) van per otru llau: la invisivilidá crónica nos medios, nos establecimientos, la llaceria educativa de la llingua"

Imagen noticia
Llingua

Faceira entama'l IX Cursu d'Iniciación a la Llingua y Cultura Tradicional Llioneses

El cursu comprende un total de 50 hores llectives

Imagen noticia
Llingua

Iniciativa pol Asturianu recupera los grupos de conversación telemáticos n'asturianu

La primer sesión celebróse ayeri 25 d'ochobre

Imagen noticia
Llingua

Pelayo Martínez Olay gana'l Premiu Enriqueta González Rubín con una obra que retrata la sociedá actual

L'escritor llangreanu recibe'l galardón de narrativa nueva n'asturianu por "Pallabres d'anguaño", una colección de 19 re...

Imagen noticia
Ciencia

Identifiquen el mecanismu que protexe a delles persones del Alzheimer

Investigadores de la Universidá de Columbia identifiquen el mecanismu que permite a una rara variante xenética amenorgar...

Imagen noticia
Ciencia

Un nuevu sistema de realidá aumentada nel HUCA ameyora la precisión nel allugamientu de prótesis de rodiya

Imagen noticia
Ciencia

Afayen pistes nueves sobro lo qu'asocedió nos primeros cinco minutos del universu

Un equipu internacional d'astrónomos llogró midir con una precisión nunca algamada la cantidá d'heliu que se formó darré...

Imagen noticia
Ciencia

Bombes de xabón

De xuru qu'el llector reparó daqué vegada nes bombes de xabón, na so prodixosa esfericidá, nos sos irisaos visos, o el s...

Imagen noticia
Ciencia

Un nuevu compuestu podría revolucionar los antibióticos: ataca a la bacteria ensin afarar la flora intestinal

Investigadores alemanes demuestren qu'un compuestu natural pue combatir una bacteria responsable d'infeiciones intestina...

Imagen noticia
Ciencia

Un descubrimientu accidental permite salvar corales a piques de la muerte

Investigadores de la Universidá de Stanford afayen que los corales afeutaos pol calecimientu de los océanos puen recuper...

Imagen noticia
Ciencia

Lo aprendío con DART: unos pequeños metros a tiempu pueden evitar un choque na Tierra

L'esperimentu fechu va cuatro años amuesa que ye dable modificar la trayeutoria d'un cuerpu celeste. Una sonda europea v...

Imagen noticia
Ciencia

La naturaleza deprende a combatir el plásticu: afayen una enzima que descompón materiales contaminantes

Investigadores alemanes identifiquen una enzima que ye a descomponer determinaos plásticos biodegradables y afayen que t...

Imagen noticia
Deportes

Los hermanos Pou abren otra vía en Peña Santa a la que llamen Relámpagu

Los escaladores vascos siempres amosaron sensibilidá pa col idioma asturianu

Imagen noticia
Deportes

Una seronda de senderos

Les rutes más afayadices pa combatir la señardá estacional

Imagen noticia
Deportes

Cultura crea una nueva llinia d'ayudes pa facilitar la continuidá de les muyeres profesionales del deporte tres la maternidá

La midida comprende los casos de maternidá per embaranzu, adopción o acoyimientu permanente

Imagen noticia
Deportes

L'Uviéu lleva'l derbi (2-0), énte un Sporting ensin rempuesta

Los xixoneses terminaron el partíu con unu menos, darréu de la tarxeta roxa a Gelabert nel minutu 76

Imagen noticia
Deportes

Valgrande-Payares pasa pel taller

Los trabayos superen los 300.000 euros y van obligar a pesllar temporalmente la telecabina Cuitunigru.

Imagen noticia
Deportes

La Xunta dispara les ayudes a los clubes deportivos: 350.000 euros pa entamar competiciones

La Conseyería de Cultura, Política Llingüística y Deporte algama anguaño'l so mayor presupuestu desque se creó esta llin...

Imagen noticia
Deportes

El próximu sábadu empieza'l Tour de Francia 2026

Tadej Pogačar vuelve ser el favoritu

Imagen noticia
Deportes

L'equipu d'Irán agóspiase en Tijuana énte les torgues pa ingresar n'Estaos Xuníos de cara al mundial de fútbol

La situación xenera cierta incertidume nos intregrantes

Imagen noticia
Sociedá

La Policía sigue a la gueta de «El Rusu», sospechosu del tirotéu y la esplosión mortal d'Uviéu

La Policía Nacional caltién esplegáu un ampliu operativu p'alcontrar al conocíu como «El Rusu», presuntu responsable de ...

Imagen noticia
Sociedá

Diez aerollinies y 8 destinos continentales p'Asturies

La llegada de Wizz Air, les nueves conexones mientres tol añu y l'aumentu de frecuencies consoliden la crecedera del aer...

Imagen noticia
Sociedá

Nueche murnia en Degaña: Finen dos mozos n'accidente de tráficu

Los dos finaos yeren vecinos del conceyu. El Conceyu de Degaña decretó tres díes de llutu oficial y suspendió les fieste...

Imagen noticia
Sociedá

La ría del Eo celebra'l Día d'Asturies con cuatro xornaes de cultura, tradición y fiesta

A Veiga, San Tiso d'Abres y Castropol acueyen del 5 al 8 de setiembre los actos del Día d'Asturies 2026, con actividaes ...

Imagen noticia
Sociedá

Un Cabrales de Tielve conquista'l mundu: 37500 euros pol meyor quesu del añu

La Quesería Ángel Díaz Herrero vuelve imponese per tercer añu consecutivu nel Certame del Quesu Cabrales. La pieza ganad...

Imagen noticia
Sociedá

La recaldación del Día de la Sidra en Xixón dónase a ELA Principado

Una folixa con calter solidariu

Imagen noticia
Sociedá

Asturies llora la perda d'Helena Trexu

La lliteratura asturiana pierde a una de les sos voces más comprometíes. La escritora y activista Helena Trexu Fombella,...

Imagen noticia
Sociedá

Bimenes va recuperar una vieya piscina en desusu pa convertila nuna pista multiusos

La estructura, concebida de mano pa contener una piscina, llevaba años ensin usu y va destinase a actividaes deportives ...

Imagen noticia
Aruelu

El rock d'Ilegales volverá ruxir en Xixón el 7 de payares, conciertu homenaxe de "Soldaditos de Plomo"

El Teatru Albéniz va acoyer un conciertu dedicáu a la llexendaria banda asturiana, cuando inda nun se cumplió un añu de ...

Imagen noticia
Aruelu

Ponse en marcha'l China Zorrilla, el ferry eléctricu más grande del mundu

Puede tresportar hasta 2.100 pasaxeros y 225 vehículos

Imagen noticia
Aruelu

Turismu ensin ablayar

Lleguen les exocadarmes pa caminar más y meyor

Imagen noticia
Aruelu

Owak, la playa asturiana que pocos conocen

Y sí, tien esi nome

Imagen noticia
Aruelu

Xixón conviértise esti fin de selmana na capital asturiana del cómic, el cosplay y los videoxuegos

CometCon torna del 4 al 6 de setiembre con tres díes dedicaos a la cultura pop y l'ociu alternativu. Videoxuegos, cienci...

Imagen noticia
Aruelu

WhatsApp estrena los nomes d'usuariu: más privacidá, pero tamién una nueva puerta pa los estafadores

L'aplicación va permitir contautar con otres persones per aciu d'un identificador como @nome123 ensin conocer el númberu...

Imagen noticia
Aruelu

Llanes celebra'l XXXVII Certame de Quesos del Oriente

La plaza de Santa Ana va volver a convertise esti domingu 2 d'agostu nel gran escaparate del quesu artesanal del país. D...

Imagen noticia
Aruelu

¿Quién xube a la "Casita" de Bad Bunny?

Cuerpos y validación xuvenil en redes sociales

Sigue baxando pa cargar más noticies