Sociedá
normal
ENTREVISTAManifestación del Arguyu de Xixón. "La nuesa memoria, la nuesa fuerza"
33 años dempués, XEGA sigui lliderando la llucha pola igualdá y la reconocencia de los drechos LGTBI
📷 Miembros y simpatizantes de XEGA na Xunta Xeneral | @XEGA
27/06/2026 06:00
| REDAICIÓN
Con motivu de la celebración del día del Arguyu 2026, esti sábadu en Xixón a les 17:30 nel Paséu Begoña, falamos con Yosune, representante de XEGA.
- XEGA esiste dende'l 2 d'avientu de 1992, 33 años yá.... Esta selmana convocáis la manifestación del Arguyu en Xixón baxo'l lema “La nuesa memoria, la nuesa fuerza”. ¿Qué queréis tresmitir anguaño con esi mensaxe?
-Col borrador de la llei LGTBI asturiana en procesu d'enmienda y de ponencies queremos solliñar la so importancia na suma de derechos a consiguir pa'l nuesu colectivu. Nun ye daqué aislláu, nin por caprichu. La hestoria del movimientu LGTBI empieza cola confrontación a lleis que van en nuesa contra, en Stonewall la llei yera d'escándalu públicu, les muyeres teníen que vistise d'una manera determinada y los homes igual. Y n'España la llei de peligrosidá social permitía que si daquién te denunciaba por ser homosexual acababes na cárcel. Cuando se derogaron eses lleis, el camín siguió col matrimoniu igualitariu en 2005, la llei del 2007 pa'l cambéu rexistral. Les CCAA empiecen a aprobar les sos lleis específiques hasta'l 2023 cola llei estatal pa les persones LGTBI, mal llamanda llei trans. Agora empiecen a derogase o a intentalo munches d'eses lleis. Lo d'Asturies y Castiella Llión ye una anomalía democrática. El contestu de por qué escoyimos esti lema ye esi: La memoria ye pa nós de vital importancia.
-¿Cómo describiríeis la situación actual del colectivu LGTBIAQ+ n'Asturies? ¿Ameyoró l'aceptación social o inda queda muncho por conquistar?
-Queda bastante por facer. Ye ciertu que yá nun vivimos nel silenciu nin a les escondidielles, anque entá sigue habiendo xente mozo que tien que callase, o vivir el sexiliu pa vivir en llibertá. Hai munchos más referentes, eso sí, y más información.. pero los profesionales de lo social y de lo público entá nun tienen ferramientes pa encetar una situación de lgtbiaqfobia. Por exemplu'l profesoráu nun tien un protocolu pa saber cómo facer nes aules si hai problemes. Vamos bien pero entá queda xera por facer
-Nos últimos años fálase de meyores llegales, pero tamién de retrocesos sociales o discursos d'odiu. ¿Atalantáis que hai una reacción escontra los derechos LGTBIAQ+?
-Por supuestu, y racistes y xenófobos. Lo que se diz nos plenos, nel Congresu o en cualquier órganu democráticu nel que se permiten dicir burricaes llega a la cai bien aína. Si se diz nun plenu del conceyu ¿Por qué nun va a poder dicise nel autobús o pela cai?
-¿Cuáles son güei les principales dificultaes qu'atopen les persones LGTBIAQ+ n'ámbitos como la familia, el trabayu, la escuela, la sanidá o l'espaciu públicu?
- Na familia vemos qu'hai families que nun busquen información y que refuguen a les sos fí@s, porque refuguen la diversidá sexual. Hai amenaces pa echalos de casa, castigos... Nel trabayu hai insultos, apartar a daquién.. Sobremanera les persones trans son les más frayaes nel trabayu, porque son vistes como "rares". Les muyeres trans refieren que ye bien difícil por exemplu, tener trabayos de cara al públicu. Hai munchos prexuicios y estereotipos entá. Na sanidá nun se conoz les realidaes específiques de les persones LGTBIAQ+ y nun faen les entrugues pertinentes, dan pOr fechu coses.... ye necesaria la formación a les profesionales. Na escuela nun se fala d'estes temes, non tantu como se precisa y l'alumnáu LGTBIAQ+ arriésgase al acosu tolos díes. Nun tienen ferramienta nos centros pa encetar esta mena de situaciones.
-¿Qué papel tien XEGA dientro del texíu social asturianu y cómo evolucionó'l vuesu llabor dende los vuesos entamos hasta güei?
-Pos los derechos sexuales a la fin son interseicionales colo qu'intentamos tar presentes, anque menos de lo que nos prestaría, nel restu de reivindicaciones sociales. El trabayu precariu aféctanos, el tema de migración lo mesmo porque una parte importante del nuesu colectivu vien por sexiliu fuxendo de países onde pueden encarcelalos o inclusive matalos o "facelos sumir" por ser LGTBIAQ+, la vivienda.... Toos estos temes son tresversales asina qu'intentamos tar en too. Y la evolución creemos que ye bien positiva. Agora tenemos más persones acomuñaes ya interesaes en collaborar. La visibilidá ye bien importante y entá hai persones que nun puen selo. Evolucionamos en sigles dende Xente Gai Ástur a Xente LGTBAIQ+ Astur porque la realidá humana ye bien malo d'incluyir en poques sigles.
-La manifestación ta sofitada por distintos colectivos sociales. ¿Por qué ye importante que l'Arguyu nun seya namás una reivindicación del colectivu LGTBIAQ+, sinón tamién una causa compartida pol conxuntu de la ciudadanía?
-Porque nun vivimos nin en Venus nin en Marte. Tenemos families y amistaes, y cuando nós lo pasamos mal, elles tamién. Los derechos humanos son pa tol mundu y afecten a tol mundu. Nun somos ciudadanes de segunda y como tal, muncha xente fai estes reinvindicaciones de so, siendo cisheteros.
-¿Cómo veis la situación de les persones mozes LGTBIAQ+? ¿Creéis que viven con más llibertá que xeneraciones anteriores o siguen esistiendo mieos, silencios y presiones?
-La xente mozo tienlo difícil porque esti tiempu ye abegosu. Hai más referentes: enantes pa ver na tele a daquién abiertamente LGTBIAQ+ yera bien minoritariu. Pero tamién-yos toca vivir de frente la xuba de la estrema derecha en tolos llugares y vivir un retrocesu social en derechos. A pesar d'esto, la llercia ye menor, tou ye más fácil cuando se viven les coses en colectivu, porque los problemes tamién lo son.
-¿Qué demandes concretes treslladáis a les instituciones asturianes en materia d'igualdá, educación, memoria, atención social o llucha escontra la discriminación?
-Que s'apruebe la llei nos términos nos que se recueye nel borrador que se ta aldericando. Dexaríanos facer protocolos pa los centros educativos, dar ferramientes a la xente profesional de lo social y de l'alministración pública. Dalguna cai con daqué rellacionáu col tema lgtbiaq+... Que figures como Rambal nun cuerran peligru de cayer nel escaezu, ende l'asociación vecinal de Gigia tien muncho que ver... nun permitir que la lgtbiaqfobia se quede nos espacios públicos... tou eso ye importante.
-Mirando al futuru, ¿qué tendría que camudar na sociedá pa que manifestaciones como esta dexaren de ser necesaries como reivindicación y fueren namái una celebración de la diversidá?
-Pos si llográramos atalantar que ser iguales ye dar un suelu de derechos y que la diversidá forma parte de quien somos.... Si llogramos atalantar eso, socialmente podríemos dedicanos a facer aniversarios y recordar con señardá...
- XEGA esiste dende'l 2 d'avientu de 1992, 33 años yá.... Esta selmana convocáis la manifestación del Arguyu en Xixón baxo'l lema “La nuesa memoria, la nuesa fuerza”. ¿Qué queréis tresmitir anguaño con esi mensaxe?
-Col borrador de la llei LGTBI asturiana en procesu d'enmienda y de ponencies queremos solliñar la so importancia na suma de derechos a consiguir pa'l nuesu colectivu. Nun ye daqué aislláu, nin por caprichu. La hestoria del movimientu LGTBI empieza cola confrontación a lleis que van en nuesa contra, en Stonewall la llei yera d'escándalu públicu, les muyeres teníen que vistise d'una manera determinada y los homes igual. Y n'España la llei de peligrosidá social permitía que si daquién te denunciaba por ser homosexual acababes na cárcel. Cuando se derogaron eses lleis, el camín siguió col matrimoniu igualitariu en 2005, la llei del 2007 pa'l cambéu rexistral. Les CCAA empiecen a aprobar les sos lleis específiques hasta'l 2023 cola llei estatal pa les persones LGTBI, mal llamanda llei trans. Agora empiecen a derogase o a intentalo munches d'eses lleis. Lo d'Asturies y Castiella Llión ye una anomalía democrática. El contestu de por qué escoyimos esti lema ye esi: La memoria ye pa nós de vital importancia.
-¿Cómo describiríeis la situación actual del colectivu LGTBIAQ+ n'Asturies? ¿Ameyoró l'aceptación social o inda queda muncho por conquistar?
-Queda bastante por facer. Ye ciertu que yá nun vivimos nel silenciu nin a les escondidielles, anque entá sigue habiendo xente mozo que tien que callase, o vivir el sexiliu pa vivir en llibertá. Hai munchos más referentes, eso sí, y más información.. pero los profesionales de lo social y de lo público entá nun tienen ferramientes pa encetar una situación de lgtbiaqfobia. Por exemplu'l profesoráu nun tien un protocolu pa saber cómo facer nes aules si hai problemes. Vamos bien pero entá queda xera por facer
-Nos últimos años fálase de meyores llegales, pero tamién de retrocesos sociales o discursos d'odiu. ¿Atalantáis que hai una reacción escontra los derechos LGTBIAQ+?
-Por supuestu, y racistes y xenófobos. Lo que se diz nos plenos, nel Congresu o en cualquier órganu democráticu nel que se permiten dicir burricaes llega a la cai bien aína. Si se diz nun plenu del conceyu ¿Por qué nun va a poder dicise nel autobús o pela cai?
-¿Cuáles son güei les principales dificultaes qu'atopen les persones LGTBIAQ+ n'ámbitos como la familia, el trabayu, la escuela, la sanidá o l'espaciu públicu?
- Na familia vemos qu'hai families que nun busquen información y que refuguen a les sos fí@s, porque refuguen la diversidá sexual. Hai amenaces pa echalos de casa, castigos... Nel trabayu hai insultos, apartar a daquién.. Sobremanera les persones trans son les más frayaes nel trabayu, porque son vistes como "rares". Les muyeres trans refieren que ye bien difícil por exemplu, tener trabayos de cara al públicu. Hai munchos prexuicios y estereotipos entá. Na sanidá nun se conoz les realidaes específiques de les persones LGTBIAQ+ y nun faen les entrugues pertinentes, dan pOr fechu coses.... ye necesaria la formación a les profesionales. Na escuela nun se fala d'estes temes, non tantu como se precisa y l'alumnáu LGTBIAQ+ arriésgase al acosu tolos díes. Nun tienen ferramienta nos centros pa encetar esta mena de situaciones.
-¿Qué papel tien XEGA dientro del texíu social asturianu y cómo evolucionó'l vuesu llabor dende los vuesos entamos hasta güei?
-Pos los derechos sexuales a la fin son interseicionales colo qu'intentamos tar presentes, anque menos de lo que nos prestaría, nel restu de reivindicaciones sociales. El trabayu precariu aféctanos, el tema de migración lo mesmo porque una parte importante del nuesu colectivu vien por sexiliu fuxendo de países onde pueden encarcelalos o inclusive matalos o "facelos sumir" por ser LGTBIAQ+, la vivienda.... Toos estos temes son tresversales asina qu'intentamos tar en too. Y la evolución creemos que ye bien positiva. Agora tenemos más persones acomuñaes ya interesaes en collaborar. La visibilidá ye bien importante y entá hai persones que nun puen selo. Evolucionamos en sigles dende Xente Gai Ástur a Xente LGTBAIQ+ Astur porque la realidá humana ye bien malo d'incluyir en poques sigles.
-La manifestación ta sofitada por distintos colectivos sociales. ¿Por qué ye importante que l'Arguyu nun seya namás una reivindicación del colectivu LGTBIAQ+, sinón tamién una causa compartida pol conxuntu de la ciudadanía?
-Porque nun vivimos nin en Venus nin en Marte. Tenemos families y amistaes, y cuando nós lo pasamos mal, elles tamién. Los derechos humanos son pa tol mundu y afecten a tol mundu. Nun somos ciudadanes de segunda y como tal, muncha xente fai estes reinvindicaciones de so, siendo cisheteros.
-¿Cómo veis la situación de les persones mozes LGTBIAQ+? ¿Creéis que viven con más llibertá que xeneraciones anteriores o siguen esistiendo mieos, silencios y presiones?
-La xente mozo tienlo difícil porque esti tiempu ye abegosu. Hai más referentes: enantes pa ver na tele a daquién abiertamente LGTBIAQ+ yera bien minoritariu. Pero tamién-yos toca vivir de frente la xuba de la estrema derecha en tolos llugares y vivir un retrocesu social en derechos. A pesar d'esto, la llercia ye menor, tou ye más fácil cuando se viven les coses en colectivu, porque los problemes tamién lo son.
-¿Qué demandes concretes treslladáis a les instituciones asturianes en materia d'igualdá, educación, memoria, atención social o llucha escontra la discriminación?
-Que s'apruebe la llei nos términos nos que se recueye nel borrador que se ta aldericando. Dexaríanos facer protocolos pa los centros educativos, dar ferramientes a la xente profesional de lo social y de l'alministración pública. Dalguna cai con daqué rellacionáu col tema lgtbiaq+... Que figures como Rambal nun cuerran peligru de cayer nel escaezu, ende l'asociación vecinal de Gigia tien muncho que ver... nun permitir que la lgtbiaqfobia se quede nos espacios públicos... tou eso ye importante.
-Mirando al futuru, ¿qué tendría que camudar na sociedá pa que manifestaciones como esta dexaren de ser necesaries como reivindicación y fueren namái una celebración de la diversidá?
-Pos si llográramos atalantar que ser iguales ye dar un suelu de derechos y que la diversidá forma parte de quien somos.... Si llogramos atalantar eso, socialmente podríemos dedicanos a facer aniversarios y recordar con señardá...
Opinión
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
30/03/2026 14:21
Les coses pasaes, les que vienen, y les que tendríen de venir yá
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
