En setiembre abre'l colexu del barriu xixonés de Nuevu Roces llamáu Xosefa de Xovellanos

La poetisa Xosefa de Xovellanos va poner nome al nuevu colexu d'educación Infantil y Primaria (CEIP) que'l Gobiernu constrúi nel barriu xixonés de Nuevu Roces. L'Executivu acaba d'aprobar la creación alministrativa d'esti centru que, finalmente, va inaugurase en setiembre con tolos cursos de dambes etapes.

L'equipamientu supón la mayor inversión nun centru públicu d'Infantil y Primaria, con un presupuestu de 16,5 millones. A esa cifra hai que sumar los más de 140.000 euros del moblame previstu pa cubrir les necesidaes del cursu inaugural.

El colexu va empezar la so andadura con once unidaes: cuatro d'Infantil y nueve de Primaria. Va haber dos unidaes nel primer cursu de cada etapa (Infantil de 3 años y 1º de Primaria ), ente que'l restu de niveles dispondrá de una unidá, tal y como informa la Conseyería d'Educación.