Países Baxos niega la compra a una empresa estauxunidense, d'una app de servicios públicos qu'usen tolos holandeses

El Gobiernu de Países Baxos decidió bloquiar la compra de la empresa neerlandesa de servicios cloud Solvinity per parte de la teunolóxica estadounidense Kyndryl, según informó Reuters. La operación, valorada nunos 100 millones d'euros, queda paralizada al amparu d'una llei destinada a llindar el control estranxeru sobre servicios de telecomunicaciones consideraos sensibles. La decisión foi comunicada pol Executivu neerlandés tres una evaluación de les autoridaes encargaes de revisar inversiones no que ye un apueste de Países Baxos, dientro de la intención Europea de construyir una soberanía dixital frente al control estranxeru.

Solvinity ye relevante porque agospia infraestructura venceyada a DigiD, el sistema d'identidá dixital que los residentes en Países Baxos usen p'acceder a servicios públicos y consultar información médica, fiscal, de seguros y otros trámites oficiales. Anque'l Gobiernu nun detalló públicamente los motivos concretos de la prohibición, la operación xenerara esmolición política y social pol posible control estranxeru de una pieza clave de la infraestructura dixital del país. Según Reuters, Kyndryl declaró tar deceicionada cola decisión y dixo que va estudiar les sos opciones.