Esti ye'l Plan de tresporte a los Llagos de Cuadonga pal branu

El tresporte públicu a los Llagos de Cuadonga va funcionar mientres bona parte de 2026, especialmente na temporada alta turística y en delles pontes festives. Mientres los díes nos que tea operativu esti serviciu, la carretera entre Cuadonga y los llagos va permanecer pesllada al tráficu de vehículos particulares.

La campaña de branu va desenvolvese del 1 de xunu al 18 d'ochobre, anque va haber delles esceiciones: el 6 de xunu; la tarde del 24 de xunetu y el 25 de xunetu, coincidiendo cola Fiesta del Pastor; y el 8 de setiembre.

Amás, el dispositivu especial va volver a activase los díes 24, 25 y 31 d'ochobre; el 1 y 2 de payares, con motivu de la Ponte de Tolos Santos; y del 1 al 8 d'avientu.

Fuera d'estes feches, l'accesu a los Llagos de Cuadonga va poder realizase llibremente en vehículu priváu.

Pela so parte, l'accesu al Santuariu de Cuadonga va permanecer abiertu ensin restricciones mientres tol añu. Los visitantes van poder llegar tantu en vehículu priváu como por aciu tresporte públicu al traviés del serviciu de danzaderes.

Consulte la información completa na web de ctaconecta.com.