📰 7DÍES
llunes, 16 de payares de 2026 llunes, 16 de payares 2026
Asturies, con voz propia
// 🔐 el testu na nel config
Asturies normal

ENTREVISTADani Menéndez: "En Verbéu tamos trabayando nun Manual d'Estilu, que nos paez una obra mui necesaria pa fixar un asturianu actual, auténticu y correctu"

📷 Dani Menéndez
23/10/2026 05:10 | REDAICIÓN
Verbéu ye l'Asociación de Traductores Profesionales n'Asturianu, nacida nel 2022 y miembru de la Red Vértice, qu'axunta a les asociaciones profesionales de Traductores, Intérpretes y Correctores presentes nel Estáu español. El so oxetivu principal ye mirar pola dignificación de la profesión en tolos ámbitos. Dani Menéndez Menéndez (Les Regueres, 1977) ye presidente de Verbéu.

¿Por qué había necesidá de que naciera Verbéu?

La idea surde de les Xornaes de Traducción entamaes nel 2021 pola Conseyería de Política Llingüística nes que coincidimos delles persones con estudios de traducción. Ellí viemos que'l panorama de la traducción n'Asturies, y especialmente n'asturianu yera mui poco rigorosa dende un puntu de vista profesional (tarifes de risa, cásique ausencia de contratos de traducción, falta total de planificación…). Foi entós cuando decidiemos qu'había que facer daqué, y en menos d'un mes teníemos creada l'asociación.

Qué servicios presta l'asociación y quién demanda los servicios de Verbéu

Acuden perfiles mui variaos a l'asociación. Quien quiera pue ponese en contactu con nós tanto pa duldes y asesoriamientu profesional como pa solicitar servicios de traducción. En Verbéu cuntamos con profesionales de combinaciones llingüístiques bien estremaes y especializaos en traducciones de toa mena. Collaboramos cola alministración en distintos proyectos, pero tamién nos soliciten servicios de traducción empreses privaes, como foi'l casu del ciclu de cine n'asturianu que fixo Cines Embajadores d'Uviéu, o una campaña d'Estrella Galicia. Hai amás xente individual que se pon en contactu con nós pa traducciones de webs o llibros, por exemplu.

¿Qué cualidaes ha tener un traductor?

N'Asturies hai mui bonos traductores, nun ye imprescindible tener estudios específicos de traducción, anque ayuda enforma nel trabayu y sobre manera na forma d'abordalu. Un bon traductor tien que tener, de xuru, un dominiu perfectu de les dos llingües coles que ta trabayando, amás d'un conocimientu cultural fondu. Ha ser precisu, rigorosu y tar bien atentu a los detalles. Ye importante tamién tener gran capacidá d'investigación, pa saber buscar lo que dulda o nun sabe. La responsabilidá y la ética profesional son tamién elementos básicos que nun se puen escaecer a la hora de ponese a traducir. Y dempués, cada tipu de traducción va necesitar unes cualidaes o otres, nun ye lo mesmo ser intérprete de conferencies, traducir una novela o sotitular una película. Y como en tolos ámbitos profesionales, un traductor tien que tar deprendiendo y reciclándose constantemente.

¿Qué dificultaes afronta un especialista na traducción de testos n'asturianu? ¿Hai dalguna peculiaridá especialmente difícil na traducción al nuestru idioma?

Los que traducimos al asturianu fomos educaos toos en castellanu tola vida, y nos nuesos ambientes, nos medios de comunicación, na sociedá, la llingua mayoritaria sigue siendo'l castellanu. Esto ye un peligru pa la traducción al asturianu, porque tenemos interiorizaes munches estructures y pallabres que nun son asturianes y que delles veces pasen inalvertíes. Yo creo qu'eso ye la peculiaridá más bultable. Otra dificultá grande ye'l pocu material de consulta y documentación que tenemos n'asturianu cuando nos ponemos a traducir. De fechu, en Verbéu tamos trabayando na ellaboración d'un Manual d'Estilu n'asturianu p'amenorgar estes dificultaes.

¿Qué suel traducise más al asturianu o del asturianu?

Nun tengo datos exactos, pero traduzse muncho más al asturianu, non sólo dende'l castellanu, sinón que, sobre manera na lliteratura, hai bonos exemplos de traducciones feches dende idiomes bien distintos. La traducción de novela ye la que predomina, con llibros espublizaos va poco dende orixinales griegos, noruegos o portugueses, por exemplu. Tamién hai muncha traducción turística de folletos, cartelos o sitios web. Dende l'asturianu traduzse muncho menos, y lo más d'ello ye al castellanu o a otres llingües peninsulares.

La traducción al asturianu de diferentes testos ye llabor que lleven faciendo munchos autores dende va años. ¿Qué evolución tuvo esti procesu hasta agora?

La traducción al asturianu como llabor profesional vien faciéndose delles décades, y con mui bonos exemplos. Equí atopamos un gran problema: la traducción a llingües minoritaries nun suel ser rentable económicamente, pa qu'haya traducciones tien qu'haber ayudes públiques. Esto fai que nun se prioricen traducciones teniendo en cuenta'l mercáu de destín, porque nun va pagar la pena igual, y que s'opte más poles preferencies del propiu traductor o de la editorial que lo encarga. Asina, echamos de menos n'asturianu un bon númberu de títulos internacionalmente conocíos. Ye verdá que nesto hai delles escepciones. Igual ye impresión mía, pero paezme que nestos últimos años tamos viendo un desendolcu positivu na profesión, la xente ta dándose cuenta de que nun val cualquiera pa traducir y les editoriales tán viendo tamién la necesidá de tener unos contratos afayadizos a la hora de contratar servicios de traducción. Lo de les tarifes yá ye otru cantar. No que cinca al intrusismu, ye un problema que tien la traducción en xeneral, non sólo n'asturianu, porque en pocos sitios piden titulación pa facer traducciones y tampoco esisten “colexos profesionales” de traductores. El problema vien cuando nun se sabe lo qu'implica la profesión, y nun se mira por esixir y garantizar unes condiciones mínimes na calidá o nes tarifes que se piden.

Si vusté llee un testu traducíu al asturianu de va cuarenta años, ¿cree que-y fadría dalgún tipu de correiciones?

Depende de munchos factores, y alcontramos exemplos de tou tipu, pero va cuarenta años había una corriente diferenciadora qu'optaba por un asturianu lo más separtao del castellanu posible, y delles veces el resultáu yera un testu que “nun valía pa cualquier llector”, y sobre too, que nun sonaba natural. Pasu ente pasu, va creándose un estándar llingüísticu que vien a solucionar eso, con un idioma asturianu dafechu, pero que nun rinche nes oreyes de los falantes patrimoniales.

L'Eslema ye una ferramienta de traducción mui potente pero que tovía necesita correiciones, especialmente nos conocíos eslemazos. ¿Qué opina d'ella?

La corrección en traducción tien que la haber siempres. Los traductores automáticos hai que saber pa qué son y cómo s'empleguen. Munchos de los usuarios nun lo saben. Son una bona ferramienta, pero nunca pue sustituyir al trabayu d'un traductor. Valte pa enterate d'un testu, pa facer una traducción que nun necesite gran rigor, pero nun te va valir como opción seria, nin muncho menos pa un trabayu profesional. Foi célebre'l casu que topemos nun sitiu web de la traducción de “vino joven” como “vieno mozu”. Otru casu ye l'usu que se fai de la IA na traducción, especialmente la IA xenerativa, qu'amiesta unos problemes éticos importantes al vulnerar derechos d'autor, arriendes de lo probe del trabayu final, yá que la IA nun va identificar subtestos, cuestiones culturales, sentíos dobles, etc.

Nun planu más personal, ¿cuála ye la obra qu'inda nun se traduxo y que vusté más desearía?

Yo creo que la traducción lliteraria al asturianu tien que valir p'abrinos a otres lliteratures y pa enanchar el nuesu panorama y internacionalizar entá más la nuesa lliteratura. Por eso creo que d'un llau tovía falten grandes obres por traducir al asturianu, pero tamién otres qu'ensin ser tan conocíes, tienen un pesu importante na lliteratura mundial. Yo miraría pa los premios internacionales actuales. Paezme un bon exemplu'l premiu Lliterariu de la Xunión Europea (EUPL), y d'estos gustaríame traducir i giorni di vetro, de Nicoletta Verna. Tamién me llama muncho la lliteratura griega actual, y hai obres qu'aportaríen abondo a la lliteratura asturiana, como les de Rea Galanaki, por dicir un nome. P'acabar, pola cercanía, la lliteratura portuguesa tien grandes trabayos qu'ameriten un sitiu nes nueses llibreríes, como los de Valter Hugo Mãe.

Yá esiste'l Manual de llinguaxe alministrativu. Qué otros manuales cree que faen falta?

Como yá dixi, en Verbéu tamos trabayando nun Manual d'Estilu, que nos paez una obra mui necesaria pa fixar un asturianu actual, auténticu y correctu. Esti manual, amás d'aclarar duldes gramaticales y normatives, va tratar tamién temes como les abreviatures, los castellanismos, les onomatopeyes, que munches veces son una velea pa los traductores. Hai dellos diccionarios temáticos de mui bona calidá, pero igual habría qu'afondar más nellos. Y tamién, taría bien cuntar con un bon diccionariu asturianu-castellanu/castellanu-asturianu disponible pa consulta en llinia.

Verbéu pertenez a Red Vértice, la rede d'asociaciones de profesionales de la traducción interpretación y corrección presentes nel Estáu español. ¿Qué problemes, idees, proyeutos... intercambien con ellos?

Verbéu entró na Red Vértice nel 2022, acabante nacer como asociación. Foi un gran arguyu pa nós, porque foron les otres asociaciones del Estáu les que nos convidaron a entrar, nun lo pidimos, y entremos col votu positivu de toes, unes venti. Yá participemos nos alcuentros de Zaragoza, Madrid, Barcelona, y agora vamos dir nel mes de payares a Córdoba. L'alcuentru del añu que vien vamos acoyelu nós n'Uviéu y va ser la primer vez na hestoria que la Red Vértice vien a Asturies. La nuesa participación ta siendo mui activa y bien reconocida poles demás asociaciones, y tamos presentes nel equipu que ta faciendo por sacar un códigu deontolóxicu únicu y nel equipu que ta trabayando na viabilidá de tener una entidá xurídica federativa na Red Vértice (agora la rede ye un grupu informal d'asociaciones). Dende que tamos na rede, los comunicaos que s'emiten siempres salen tamién n'asturianu, y participemos yá en dellos eventos de les asociaciones miembru, dando a conocer la nuesa realidá. Tenemos especial rellación con EIZIE, l'asociación de traductores d'eusquera, porque somos les úniques estrictamente llingüístiques, y con asociaciones como AGPTI, la de traductores de Galicia, o la Xarxa, de Valencia, qu'anque son asociaciones territoriales y non esclusivamente del gallegu o'l valencianu, tienen una realidá mui asemeyada a la nuesa. Nel ámbitu de la rede, tamién firmemos va tiempu un conveniu de collaboración cola AUNETI, l'asociación d'universidaes con estudios de traducción y interpretación, que va danos bonos frutos nun futuru, de xuru.

Anteriores

Imagen noticia
Foi Actualidá

Con quién vamos a la mar

Imagen noticia
Foi Actualidá

Nin ye lo mesmo nin s'escribe igual

Imagen noticia
Foi Actualidá

La encuesta del CIS p'Asturies amuesa un escenariu mui abiertu

Tolos partíos se mueven nuna forqueta de dos guarismos

Imagen noticia
Foi Actualidá

Primeros resultaos del estudiu sobre la salú mental de la población afectada pola DANA

Cuasi la metá de la población adulta de les zones afectaes pola DANA presentaba malestar psicolóxicu moderáu o altu ente...

Imagen noticia
Foi Actualidá

Una campaña de Sanidá ta disponible nes llingües cooficiales, amás de rumanu, chinu, inglés, francés y árabe, pero esclúi al asturianu

La campaña establezse pa informar a los migrantes sobre'l so derechu d'accesu a l'asistencia sanitaria pública

Imagen noticia
Foi Actualidá

El próximu llunes 16 el Gobiernu d'Asturies va presentar el presupuestu na Xunta Xeneral

Sedría'l presupuestu que se presenta con mayor prontitú nos postreros 20 años

Imagen noticia
Foi Actualidá

Siete movilizaciones percuerren güei Asturies pola fuelga xeneral

El lema común ye: "Pola vivienda y los salarios: contra'l rentismu, el capital y los sos gobiernos"

Imagen noticia
Foi Actualidá

La XDLA denuncia que'l Conceyu de Siero incumple la toponimia oficial nun proyeutu de rotonda n'El Berrón

Formes como «Langreo», «Pola de Siero» o «Oviedo» apaecen nos lletreros de la rotonda proyeutada

Imagen noticia
Asturies

Cuntando a bultu

Imagen noticia
Asturies

El Gobiernu d'Asturies apuesta en Burdeos pola Macrorrexón Atlántica

La iniciativa busca reforzar la cooperación ente los territorios de la marxe atlántica europea, coordinar les sos priori...

Imagen noticia
Asturies

Asturies respuende a la fuelga xeneral con un paru masivu na industria y el tresporte

La fuelga xeneral d'esti miércoles 11 de payares tuvo n'Asturies una de les sos mayores incidencies de tol Estáu

Imagen noticia
Asturies

Iniciativa pol Asturianu aconceya colos partíos pa tresllada-yos una batería de propuestes llingüístiques

Los contautos faense al mor de les próximes eleiciones xenerales

Imagen noticia
Asturies

Conderguen a una comunidá de propietarios d'Uviéu a indemnizar con 1.020 euros a una empresa d'ascensores

El fechu prodúxose trés la rescisión unillateral del contratu de caltenimientu

Imagen noticia
Asturies

Paneles dixitales en 32 puertos de monte pa facilitar la conducción ivernal

L'añu pasáu activáronse dolce d'estos paneles nos cinco puertos con mayor riesgu d'ádenes

Imagen noticia
Asturies

Historia de pantasmes

Como amante de la ciencia soi perescépticu, por eso nun trago una sola historia de pantames, estraterrestres y otres fal...

Imagen noticia
Asturies

Asturies entaína la construcción de vivienda pública: 36 pisos en Sotrondio y otros 300 proyeutaos n'Uviéu y Villaviciosa

Dientro d'un plan pa impulsar 1500 pisos na llexislatura

Imagen noticia
Mundu

Irlanda del Norte: los xunionistes bloquien la enseñanza n'irlandés

El Partíu Xunionista Democráticu (DUP) paralizó la votación d'una llei destinada a ameyorar la dotación de profesoráu y ...

Imagen noticia
Mundu

A les amenaces de los aviones y centros sanitarios franceses súmense agora les de les escueles n'Italia

Estudiantes y maestros foron unviaos a casa como midida de precaución

Imagen noticia
Mundu

Eisenkot afalaga'l poder n'Israel y amenaza con poner fin a la era Netanyahu

El presidente israelín, Isaac Herzog, encargó a Eisenkot la formación de gobiernu

Imagen noticia
Mundu

El sangre, baxo amenaza dixital: un ciberataque pon en xaque los sistemes de caltenimientu de Francia

L'ataque afectó a parte de los sistemes de refrixeración de les instalaciones

Imagen noticia
Mundu

Les urnes amuesen el desenfotu de la ciudadanía estauxunidense con Trump

El resultáu representa un seriu revés pal actual presidente

Imagen noticia
Mundu

Conclúi la misión de Naciones Xuníes nel Sáḥara Occidental

Llevaba operativa dende 1991 col envís d'ateclar un referéndum

Imagen noticia
Mundu

Israel retírase d'Hebrón trés once díes d'ofensiva militar qu'afectó a más de 3.300 palestinos

La presencia israelina condicionaba la normalidá de la vida na ciudá

Imagen noticia
Mundu

Güei celébrense les eleiciones de mediu mandatu n'Estaos Xuníos

Qué son y qué se xuega l'actual presidente Donald Trump

Imagen noticia
Economía

El tercer carril de l'Avenida de la Siderurgia va ameyorar la fluidez del tráficu y l'accesu de grandes pieces al Puertu

Imagen noticia
Economía

EEXX atolláu n'Irán. El brent xube a los 117 dólares

8 meses dempués del aniciu de la guerra, Irán solmena los mercaos enerxéticos y amenacia con provocar una nueva xuba de ...

Imagen noticia
Economía

Pieslla la campaña del bonitu colos meyores resultaos de la hestoria

El papel de la rula xixonesa sal reforzáu na comercialización d'esta especie

Imagen noticia
Economía

Iguar los defeutos estructurales de la ITV de Granda perpasaría'l millón d'euros

La estación xixonesa permanez pesllada dende mayu por graves defectos estructurales, mientres Itvasa estudia treslladar ...

Imagen noticia
Economía

La xusticia de Mieres anula una tarxeta revolving d'una conocida empresa de distribución por falta de tresparencia

La tarxeta contratóla'l cliente nel mostrador nel intre de pagar una compra

Imagen noticia
Economía

El graneleru YM Pacífico, primer alaska de la temporada nel Puertu d'Avilés

Espérense otros dos buques Alaska pa les próximes selmanes

Imagen noticia
Economía

Movilidá remata'l nuevu pantalán pa la flota pesquera de Llastres

Produzse con una cofinanciación de fondos Feder

Imagen noticia
Economía

El Principáu pon en marcha la segunda fase del programa de compres con descuentos nel pequeñu comerciu

El presupuestu ye de 1,1 millones d'euros

Imagen noticia
Cultura

Acuto Ediciones ufierta de baldre un calendariu con más de 50 fiestes tradicionales d'Asturies pal 2027

La editorial avilesina publica'l Calendariu 2027 de cultura y fiestes tradicionales d'Asturies, que xunta nun mapa numbe...

Imagen noticia
Cultura

Belenos va dedicar el so XXVI Seminariu a la indumentaria tradicional

Va celebrase los próximos 14 y 15 de payares

Imagen noticia
Cultura

Enantes de Halloween yá encendíemos calabaces y nabos: Samaín, la Nueche d'Ánimes

Muncho primero de que les películes yankis popularizaren Halloween, nos pueblos asturianos yá se vaciaben calabaces, enc...

Imagen noticia
Cultura

Vuelve la XXIII Seronda n'Avilés cargada de cultura y gastronomía popular asturiana

La plaza Hermanos Orbón va convertise nel Mercáu de Les Aceñes

Imagen noticia
Cultura

sienti.me: el directoriu más completu de la escena musical asturiana

Imagen noticia
Cultura

Xune Elipe y Dixebra, una vida "Dándo-yos caña"

Presentará el llibru "¡Da-yos caña! El tiempu y el contestu d'una banda de rock astur", esti vienres en Candás

Imagen noticia
Cultura

Asturies empecipia los trámites pa declarar la xota Bien d'Interés Cultural

La tradición musical y de baille, que cunta con siquier seis variantes n'Asturies, aspira tamién a convertise en Patrimo...

Imagen noticia
Cultura

El Grupu de Baille Tradicional San Félix de Candás estrena la producción "Llamando a conceyu"

Imagen noticia
Llingua

Tever Díaz: "La mio visión p'asturianu.org ye tener un campus de toos y pa toos, que podamos trabayar al mesmu nivel que'l restu de llingües"

Imagen noticia
Llingua

La especialidá docente d'asturianu da un reblagu perimportante

Supón una meyora fundamental pa una reivindicación histórica

Imagen noticia
Llingua

Política llingüística: una web al serviciu del idioma

Nella pue accedese a un ampliu espaciu d'información y de recursos

Imagen noticia
Llingua

«Lletres Asturianes» asoleya'l so númberu 135

Ye'l boletín oficial de l'Academia de la Llingua Asturiana

Imagen noticia
Llingua

Sidoro Villa: "Les torgues (al asturianu) van per otru llau: la invisivilidá crónica nos medios, nos establecimientos, la llaceria educativa de la llingua"

Imagen noticia
Llingua

Faceira entama'l IX Cursu d'Iniciación a la Llingua y Cultura Tradicional Llioneses

El cursu comprende un total de 50 hores llectives

Imagen noticia
Llingua

Iniciativa pol Asturianu recupera los grupos de conversación telemáticos n'asturianu

La primer sesión celebróse ayeri 25 d'ochobre

Imagen noticia
Llingua

Pelayo Martínez Olay gana'l Premiu Enriqueta González Rubín con una obra que retrata la sociedá actual

L'escritor llangreanu recibe'l galardón de narrativa nueva n'asturianu por "Pallabres d'anguaño", una colección de 19 re...

Imagen noticia
Ciencia

Identifiquen el mecanismu que protexe a delles persones del Alzheimer

Investigadores de la Universidá de Columbia identifiquen el mecanismu que permite a una rara variante xenética amenorgar...

Imagen noticia
Ciencia

Un nuevu sistema de realidá aumentada nel HUCA ameyora la precisión nel allugamientu de prótesis de rodiya

Imagen noticia
Ciencia

Afayen pistes nueves sobro lo qu'asocedió nos primeros cinco minutos del universu

Un equipu internacional d'astrónomos llogró midir con una precisión nunca algamada la cantidá d'heliu que se formó darré...

Imagen noticia
Ciencia

Bombes de xabón

De xuru qu'el llector reparó daqué vegada nes bombes de xabón, na so prodixosa esfericidá, nos sos irisaos visos, o el s...

Imagen noticia
Ciencia

Un nuevu compuestu podría revolucionar los antibióticos: ataca a la bacteria ensin afarar la flora intestinal

Investigadores alemanes demuestren qu'un compuestu natural pue combatir una bacteria responsable d'infeiciones intestina...

Imagen noticia
Ciencia

Un descubrimientu accidental permite salvar corales a piques de la muerte

Investigadores de la Universidá de Stanford afayen que los corales afeutaos pol calecimientu de los océanos puen recuper...

Imagen noticia
Ciencia

Lo aprendío con DART: unos pequeños metros a tiempu pueden evitar un choque na Tierra

L'esperimentu fechu va cuatro años amuesa que ye dable modificar la trayeutoria d'un cuerpu celeste. Una sonda europea v...

Imagen noticia
Ciencia

La naturaleza deprende a combatir el plásticu: afayen una enzima que descompón materiales contaminantes

Investigadores alemanes identifiquen una enzima que ye a descomponer determinaos plásticos biodegradables y afayen que t...

Imagen noticia
Deportes

Los hermanos Pou abren otra vía en Peña Santa a la que llamen Relámpagu

Los escaladores vascos siempres amosaron sensibilidá pa col idioma asturianu

Imagen noticia
Deportes

Una seronda de senderos

Les rutes más afayadices pa combatir la señardá estacional

Imagen noticia
Deportes

Cultura crea una nueva llinia d'ayudes pa facilitar la continuidá de les muyeres profesionales del deporte tres la maternidá

La midida comprende los casos de maternidá per embaranzu, adopción o acoyimientu permanente

Imagen noticia
Deportes

L'Uviéu lleva'l derbi (2-0), énte un Sporting ensin rempuesta

Los xixoneses terminaron el partíu con unu menos, darréu de la tarxeta roxa a Gelabert nel minutu 76

Imagen noticia
Deportes

Valgrande-Payares pasa pel taller

Los trabayos superen los 300.000 euros y van obligar a pesllar temporalmente la telecabina Cuitunigru.

Imagen noticia
Deportes

La Xunta dispara les ayudes a los clubes deportivos: 350.000 euros pa entamar competiciones

La Conseyería de Cultura, Política Llingüística y Deporte algama anguaño'l so mayor presupuestu desque se creó esta llin...

Imagen noticia
Deportes

El próximu sábadu empieza'l Tour de Francia 2026

Tadej Pogačar vuelve ser el favoritu

Imagen noticia
Deportes

L'equipu d'Irán agóspiase en Tijuana énte les torgues pa ingresar n'Estaos Xuníos de cara al mundial de fútbol

La situación xenera cierta incertidume nos intregrantes

Imagen noticia
Sociedá

La Policía sigue a la gueta de «El Rusu», sospechosu del tirotéu y la esplosión mortal d'Uviéu

La Policía Nacional caltién esplegáu un ampliu operativu p'alcontrar al conocíu como «El Rusu», presuntu responsable de ...

Imagen noticia
Sociedá

Diez aerollinies y 8 destinos continentales p'Asturies

La llegada de Wizz Air, les nueves conexones mientres tol añu y l'aumentu de frecuencies consoliden la crecedera del aer...

Imagen noticia
Sociedá

Nueche murnia en Degaña: Finen dos mozos n'accidente de tráficu

Los dos finaos yeren vecinos del conceyu. El Conceyu de Degaña decretó tres díes de llutu oficial y suspendió les fieste...

Imagen noticia
Sociedá

La ría del Eo celebra'l Día d'Asturies con cuatro xornaes de cultura, tradición y fiesta

A Veiga, San Tiso d'Abres y Castropol acueyen del 5 al 8 de setiembre los actos del Día d'Asturies 2026, con actividaes ...

Imagen noticia
Sociedá

Un Cabrales de Tielve conquista'l mundu: 37500 euros pol meyor quesu del añu

La Quesería Ángel Díaz Herrero vuelve imponese per tercer añu consecutivu nel Certame del Quesu Cabrales. La pieza ganad...

Imagen noticia
Sociedá

La recaldación del Día de la Sidra en Xixón dónase a ELA Principado

Una folixa con calter solidariu

Imagen noticia
Sociedá

Asturies llora la perda d'Helena Trexu

La lliteratura asturiana pierde a una de les sos voces más comprometíes. La escritora y activista Helena Trexu Fombella,...

Imagen noticia
Sociedá

Bimenes va recuperar una vieya piscina en desusu pa convertila nuna pista multiusos

La estructura, concebida de mano pa contener una piscina, llevaba años ensin usu y va destinase a actividaes deportives ...

Imagen noticia
Aruelu

El rock d'Ilegales volverá ruxir en Xixón el 7 de payares, conciertu homenaxe de "Soldaditos de Plomo"

El Teatru Albéniz va acoyer un conciertu dedicáu a la llexendaria banda asturiana, cuando inda nun se cumplió un añu de ...

Imagen noticia
Aruelu

Ponse en marcha'l China Zorrilla, el ferry eléctricu más grande del mundu

Puede tresportar hasta 2.100 pasaxeros y 225 vehículos

Imagen noticia
Aruelu

Turismu ensin ablayar

Lleguen les exocadarmes pa caminar más y meyor

Imagen noticia
Aruelu

Owak, la playa asturiana que pocos conocen

Y sí, tien esi nome

Imagen noticia
Aruelu

Xixón conviértise esti fin de selmana na capital asturiana del cómic, el cosplay y los videoxuegos

CometCon torna del 4 al 6 de setiembre con tres díes dedicaos a la cultura pop y l'ociu alternativu. Videoxuegos, cienci...

Imagen noticia
Aruelu

WhatsApp estrena los nomes d'usuariu: más privacidá, pero tamién una nueva puerta pa los estafadores

L'aplicación va permitir contautar con otres persones per aciu d'un identificador como @nome123 ensin conocer el númberu...

Imagen noticia
Aruelu

Llanes celebra'l XXXVII Certame de Quesos del Oriente

La plaza de Santa Ana va volver a convertise esti domingu 2 d'agostu nel gran escaparate del quesu artesanal del país. D...

Imagen noticia
Aruelu

¿Quién xube a la "Casita" de Bad Bunny?

Cuerpos y validación xuvenil en redes sociales

Sigue baxando pa cargar más noticies