📰 7DÍES
martes, 17 de payares de 2026 martes, 17 de payares 2026
Asturies, con voz propia
// 🔐 el testu na nel config
Llingua normal

ENTREVISTAPenélope Miranda: "Tenemos un texíu probe no tocante a la normalización social del asturianu"

16/10/2026 05:10 | REDAICIÓN
Penélope Miranda Fernández (Uviéu, 1977) ye llicenciada en Filoloxía Hispánica y especialista en Filoloxía Asturiana. Amás, ye responsable del Serviciu de Normalización Ḷḷingüística (SNL) de Ḷḷena y presidenta de l'Asociación de Trabayadores de la Normalización Llingüística. Con ella falamos sobre la situación actual de los SNL.

Faciendo un históricu de los caberos diez años, ¿cuála ye la situación actual de los SNL?

De 10 años p'acá, nun se dieron grandes cambios, más bien pocos avances lo que fai que teamos nuna eterna estabilidá precaria, teniendo en cuenta'l númberu de SNL n'Asturies y la capacidá d'actuación que tenemos munches veces.
Sí hubo un factor esternu como foi'l procesu d'estabilización del empléu temporal que llevó a una situación na que, per primer vez hai personal técnicu de los SNL nes plantiyes de los conceyos y existen places de SNL, na alministración local.

Hai conceyos que caltienen el serviciu dixebráu, como'l suyu de Ḷḷena, y otros compártenlu en mancomunidá, pero podemos entender qu'hai trabayu conxuntu ente toos.

La comunicación, collaboración y solidaridá ente los SNL ye daqué que caracteriza'l nuestru trabayu y la forma en cómo entendemos la nuestra responsabilidá pa colos idiomes d'Asturies. Tenemos una gran conciencia de grupu, independientemente d'en cuál conceyu o mancomunidá teamos trabayando. Esta manera de trabayar fai que siempre tengamos una mano de la que tirar p'amañar campañes o resolver cualquier duda nuna traducción, por exemplu. Somos un grupu solidariu porque nun escaecemos que precisamos tener una voz unida a la hora de buscar meyores y iguar situaciones que nun son agradables como delles reacciones polítiques que se dan nos conceyos o tamién, el cese d'una compañera o compañeru.
Entendemos tamién que trabayar les campañes en comuña da riqueza y solidez al trabayu.

¿Consideren los demás organismos públicos de los conceyos a los SNL un activu?

Ye complicao tener una visión única d'esto. Ye evidente que depende de quién gobierne tien una sensibilidá determinada hacia la cuestión llingüística o otra. Con too y con ello, pienso que munchos organismos nun tienen a los SNL como un activu, porque nun los entienden como un serviciu tresversal y hai de seguir lluchando pa llegar a ámbitos onde cuesta munchu trabayu que l'asturianu o'l gallego-asturianu tenga un espaciu y s'use con normalidá. Danse pasos pero nun son abondos y cada vez se produz mayor pérdida de falantes.

A qué problemes s'enfrenten acaldía.

Tenemos un texíu probe no tocante a la normalización social del asturianu y gallego-asturianu na alministración pública y eso recai nes polítiques que podemos llevar a la ciudadanía que ye, con quien y pa quien tenemos de trabayar.
Somos 11 responsables de SNL pa too Asturies; hasta esti añu que se cambiaron les condiciones de la subvención nominativa y establez un mínimu destináu a les actividaes, munchos SNL, o nun teníen presupuestu o teníen cantidaes ridícules como 1000€ pa diseñar campañes de normalización llingüística; Sigue habiendo una visión diglósica del idioma y eso reflexase bien nes decisiones de los equipos de gobiernu.

¿Entienden los ciudadanos el trabayu de los SNL?

Pienso que tenemos de diferenciar d'una banda, les campañes que pertenecen al campu de la sensibilización social como pueden ser cuestiones que puedan ayudar a la recuperación llingüística, a fixar vocabulariu, a recuperar toponimia. En Ḷḷena, por exemplu, llevamos años sacando campañes qu'apoyen el comerciu local, con cartelería de rebaxes, pegatines pa los regalos, faciendo que'l comerciu tenga menos gastu nesos momentos ¿hai un apoyu mayoritariu a esti trabayu? Claramente sí, los comercios esperen los materiales, usen los cartelos, les pegatines… Valoren el trabayu y l'apoyu ye evidente.
Son campañes que busquen fidelizar falantes y busquen actitúes positives y llógrenlo.

D'otra banda tán les actuaciones que busquen una presencia del idioma na parte más alministrativa como son instancies, formularios, campañes de mediuambiente, programación cultural onde la presencia del asturianu va ganando espaciu. La xente quier que l'alministración dea soluciones a los problemes y si eses respuestes, lleguen tamién n'asturianu pues pel momentu nun tamos alcontrando mayores problemes. Hai munchu camín qu'andar tovía y seguir faciendo pedagoxía cola cuestión llingüística.

¿Qué campaña tán agora mesmo trabayando?

Tamos preparando una reedición del discu Música Tradicional del conciyu Ḷḷena, materiales pa los centros escolares trabayando con ilustradores del conceyu; de cara a la navidá preparamos una campaña pal comerciu local; una campaña pal güertu urbanu y más campañes que tán en fase de diseñu tovía. Amás d'esto tol trabayu de traducciones alministratives, páxina web, axenda cultural…

¿Cómo cree que pue influyir la situación política actual y les estadístiques eleutorales nel futuru de los SNL?

Un escenariu onde la derecha y la estrema derecha gobiernen nun ye un futuru mui esperanzador pa les llingües minorizaes, ye un posible retrocesu tamién nos derechos llingüísticos, los pocos, que tenemos. El procesu de recuperación llingüística nun puede permitise parar, o dar un pasu p'atrás, ye un xuegu nel que namás pierde la cultura, la identidá y el futuru. Somos un país resilente y ehí vamos seguir trabayando pola llingua asturiana y pol gallego-asturianu.

Si la situación de los conceyos onde vustedes tán velando pol idioma ye abegosa, ¿cómo podemos entender la de los conceyos onde nun hai SNL?

Bien mala. Si yá nos conceyos onde hai SNL la situación de la llingua asturiana, ensin escepción, ye precaria en mayor o menor midida, nel restu ye puramente testimonial. Conceyos como Siero, Samartín del Rei Aurelio, Llanera que tuvieron SNL lleven años ensin él, desfaciendo dafechu tolo que se pudo andar nel camín de la normalización. Ye preciso recuperar esos SNL que trancaron y abrir nuevos y tener una visión más ambiciosa en materia de política llingüística.

¿Qué actividá dientro de toles que trabayen cree que necesita reforzar?

La tresmisión xeneracional. Si nun somos a que la mocedá escueya falar asturianu, nun vamos pel bon camín. Ḷḷena tien una mocedá falante pero hai de conseguir que sientan que son la parte más importante pa que l'asturianu sobreviva a les xenraciones vinientes, precisamos una actitú llingüística proactiva nesi sector de la sociedá.
Tamién fai falta seguir recopilando, y estudiando la llingua asturiana pa nun perder los testimonios d'informantes perimportantes y facer que los idiomes tengan la mayor fortaleza posible y s'indentifiquen cola xente.

¿Qué hai que facer pa que se respete la toponimia y se corrixan los cartelos de les víes de comunicación que caltienen les formes non oficiales?

Siguir denunciando los incumplimientos, nun hai otru camín. Funciona, igual non tolo rápido que debería, pero la presión pal cumplimientu de los decretos ye la única vía. Notificar que la toponimia oficial nun se cumple bien nel ámbitu local, o nel autonómicu ye una ayuda pa poder cambiar les coses dende dientro, na parte que nos afecta a los SNL, polo menos.

Nel últimu plenu del conceyu Ḷḷena, el Partíu Popular esixía qu'una moción rexistrada en castellanu pero defendida n'asturianu por Compromisu por Ḷḷena se volviese a lleer en castellanu ¿ qué opinión-y merez esi sucesu?

De mano dicir, que Ḷḷena ye un conceyu onde pue usase l'asturianu pa dirixise a l'alministración y por supuestu que pa usar nel Plenu. La ordenanza d'usu del asturianu, ampara esi derechu. Pienso que ye responsabilidá de los cargos públicos conocer el funcionamientu de les instituciones nes qu'ostenten cargu. Ye absurdo pensar que nunca nun s'usó l'asturianu en Plenu, polo qu'entiendo que responde más a buscar la confrontación, semar mal ambiente y buscar una notoriedá pública que cuido nun debemos dar.
Sí, existe'l derechu a usar l'asturianu en Plenu, acabóse.

Anteriores

Imagen noticia
Foi Actualidá

Con quién vamos a la mar

Imagen noticia
Foi Actualidá

Nin ye lo mesmo nin s'escribe igual

Imagen noticia
Foi Actualidá

La encuesta del CIS p'Asturies amuesa un escenariu mui abiertu

Tolos partíos se mueven nuna forqueta de dos guarismos

Imagen noticia
Foi Actualidá

Primeros resultaos del estudiu sobre la salú mental de la población afectada pola DANA

Cuasi la metá de la población adulta de les zones afectaes pola DANA presentaba malestar psicolóxicu moderáu o altu ente...

Imagen noticia
Foi Actualidá

Una campaña de Sanidá ta disponible nes llingües cooficiales, amás de rumanu, chinu, inglés, francés y árabe, pero esclúi al asturianu

La campaña establezse pa informar a los migrantes sobre'l so derechu d'accesu a l'asistencia sanitaria pública

Imagen noticia
Foi Actualidá

El próximu llunes 16 el Gobiernu d'Asturies va presentar el presupuestu na Xunta Xeneral

Sedría'l presupuestu que se presenta con mayor prontitú nos postreros 20 años

Imagen noticia
Foi Actualidá

Siete movilizaciones percuerren güei Asturies pola fuelga xeneral

El lema común ye: "Pola vivienda y los salarios: contra'l rentismu, el capital y los sos gobiernos"

Imagen noticia
Foi Actualidá

La XDLA denuncia que'l Conceyu de Siero incumple la toponimia oficial nun proyeutu de rotonda n'El Berrón

Formes como «Langreo», «Pola de Siero» o «Oviedo» apaecen nos lletreros de la rotonda proyeutada

Imagen noticia
Asturies

Cuntando a bultu

Imagen noticia
Asturies

El Gobiernu d'Asturies apuesta en Burdeos pola Macrorrexón Atlántica

La iniciativa busca reforzar la cooperación ente los territorios de la marxe atlántica europea, coordinar les sos priori...

Imagen noticia
Asturies

Asturies respuende a la fuelga xeneral con un paru masivu na industria y el tresporte

La fuelga xeneral d'esti miércoles 11 de payares tuvo n'Asturies una de les sos mayores incidencies de tol Estáu

Imagen noticia
Asturies

Iniciativa pol Asturianu aconceya colos partíos pa tresllada-yos una batería de propuestes llingüístiques

Los contautos faense al mor de les próximes eleiciones xenerales

Imagen noticia
Asturies

Conderguen a una comunidá de propietarios d'Uviéu a indemnizar con 1.020 euros a una empresa d'ascensores

El fechu prodúxose trés la rescisión unillateral del contratu de caltenimientu

Imagen noticia
Asturies

Paneles dixitales en 32 puertos de monte pa facilitar la conducción ivernal

L'añu pasáu activáronse dolce d'estos paneles nos cinco puertos con mayor riesgu d'ádenes

Imagen noticia
Asturies

Historia de pantasmes

Como amante de la ciencia soi perescépticu, por eso nun trago una sola historia de pantames, estraterrestres y otres fal...

Imagen noticia
Asturies

Asturies entaína la construcción de vivienda pública: 36 pisos en Sotrondio y otros 300 proyeutaos n'Uviéu y Villaviciosa

Dientro d'un plan pa impulsar 1500 pisos na llexislatura

Imagen noticia
Mundu

La Comisión Europea determina preliminarmente que'l feed "Pa ti" de TikTok infrinxe la Llei de Servicios Dixitales

La seición "Pa ti" de TikTok amuesa a los usuarios un fluxu continuu de vídeos personalizaos

Imagen noticia
Mundu

Irlanda del Norte: los xunionistes bloquien la enseñanza n'irlandés

El Partíu Xunionista Democráticu (DUP) paralizó la votación d'una llei destinada a ameyorar la dotación de profesoráu y ...

Imagen noticia
Mundu

A les amenaces de los aviones y centros sanitarios franceses súmense agora les de les escueles n'Italia

Estudiantes y maestros foron unviaos a casa como midida de precaución

Imagen noticia
Mundu

Eisenkot afalaga'l poder n'Israel y amenaza con poner fin a la era Netanyahu

El presidente israelín, Isaac Herzog, encargó a Eisenkot la formación de gobiernu

Imagen noticia
Mundu

El sangre, baxo amenaza dixital: un ciberataque pon en xaque los sistemes de caltenimientu de Francia

L'ataque afectó a parte de los sistemes de refrixeración de les instalaciones

Imagen noticia
Mundu

Les urnes amuesen el desenfotu de la ciudadanía estauxunidense con Trump

El resultáu representa un seriu revés pal actual presidente

Imagen noticia
Mundu

Conclúi la misión de Naciones Xuníes nel Sáḥara Occidental

Llevaba operativa dende 1991 col envís d'ateclar un referéndum

Imagen noticia
Mundu

Israel retírase d'Hebrón trés once díes d'ofensiva militar qu'afectó a más de 3.300 palestinos

La presencia israelina condicionaba la normalidá de la vida na ciudá

Imagen noticia
Economía

Xorrez l'usu de la tarxeta CONECTA ente los viaxeros

L'incrementu foi un 40% nos diez primeros meses del añu

Imagen noticia
Economía

El tercer carril de l'Avenida de la Siderurgia va ameyorar la fluidez del tráficu y l'accesu de grandes pieces al Puertu

Imagen noticia
Economía

EEXX atolláu n'Irán. El brent xube a los 117 dólares

8 meses dempués del aniciu de la guerra, Irán solmena los mercaos enerxéticos y amenacia con provocar una nueva xuba de ...

Imagen noticia
Economía

Pieslla la campaña del bonitu colos meyores resultaos de la hestoria

El papel de la rula xixonesa sal reforzáu na comercialización d'esta especie

Imagen noticia
Economía

Iguar los defeutos estructurales de la ITV de Granda perpasaría'l millón d'euros

La estación xixonesa permanez pesllada dende mayu por graves defectos estructurales, mientres Itvasa estudia treslladar ...

Imagen noticia
Economía

La xusticia de Mieres anula una tarxeta revolving d'una conocida empresa de distribución por falta de tresparencia

La tarxeta contratóla'l cliente nel mostrador nel intre de pagar una compra

Imagen noticia
Economía

El graneleru YM Pacífico, primer alaska de la temporada nel Puertu d'Avilés

Espérense otros dos buques Alaska pa les próximes selmanes

Imagen noticia
Economía

Movilidá remata'l nuevu pantalán pa la flota pesquera de Llastres

Produzse con una cofinanciación de fondos Feder

Imagen noticia
Cultura

Topen n'O Castro de Esmelle una pieza de vidriu bañada n'oru de posible orixe griegu

Les escavaciones nel Castru de Esmelle, en Ferrol, saquen a la lluz una cuenta de collar de malapenes un centímetru que ...

Imagen noticia
Cultura

Acuto Ediciones ufierta de baldre un calendariu con más de 50 fiestes tradicionales d'Asturies pal 2027

La editorial avilesina publica'l Calendariu 2027 de cultura y fiestes tradicionales d'Asturies, que xunta nun mapa numbe...

Imagen noticia
Cultura

Belenos va dedicar el so XXVI Seminariu a la indumentaria tradicional

Va celebrase los próximos 14 y 15 de payares

Imagen noticia
Cultura

Enantes de Halloween yá encendíemos calabaces y nabos: Samaín, la Nueche d'Ánimes

Muncho primero de que les películes yankis popularizaren Halloween, nos pueblos asturianos yá se vaciaben calabaces, enc...

Imagen noticia
Cultura

Vuelve la XXIII Seronda n'Avilés cargada de cultura y gastronomía popular asturiana

La plaza Hermanos Orbón va convertise nel Mercáu de Les Aceñes

Imagen noticia
Cultura

sienti.me: el directoriu más completu de la escena musical asturiana

Imagen noticia
Cultura

Xune Elipe y Dixebra, una vida "Dándo-yos caña"

Presentará el llibru "¡Da-yos caña! El tiempu y el contestu d'una banda de rock astur", esti vienres en Candás

Imagen noticia
Cultura

Asturies empecipia los trámites pa declarar la xota Bien d'Interés Cultural

La tradición musical y de baille, que cunta con siquier seis variantes n'Asturies, aspira tamién a convertise en Patrimo...

Imagen noticia
Llingua

Disponible'l númberu nuevu d'El Llumbreiru

Ye la revista de l'Asociación Cultural Zamorana Furmientu

Imagen noticia
Llingua

Tever Díaz: "La mio visión p'asturianu.org ye tener un campus de toos y pa toos, que podamos trabayar al mesmu nivel que'l restu de llingües"

Imagen noticia
Llingua

La especialidá docente d'asturianu da un reblagu perimportante

Supón una meyora fundamental pa una reivindicación histórica

Imagen noticia
Llingua

Política llingüística: una web al serviciu del idioma

Nella pue accedese a un ampliu espaciu d'información y de recursos

Imagen noticia
Llingua

«Lletres Asturianes» asoleya'l so númberu 135

Ye'l boletín oficial de l'Academia de la Llingua Asturiana

Imagen noticia
Llingua

Sidoro Villa: "Les torgues (al asturianu) van per otru llau: la invisivilidá crónica nos medios, nos establecimientos, la llaceria educativa de la llingua"

Imagen noticia
Llingua

Faceira entama'l IX Cursu d'Iniciación a la Llingua y Cultura Tradicional Llioneses

El cursu comprende un total de 50 hores llectives

Imagen noticia
Llingua

Iniciativa pol Asturianu recupera los grupos de conversación telemáticos n'asturianu

La primer sesión celebróse ayeri 25 d'ochobre

Imagen noticia
Ciencia

Mañana la sonda espacial Voyager 1 va tar a un día-lluz de la Tierra

Imagen noticia
Ciencia

Identifiquen el mecanismu que protexe a delles persones del Alzheimer

Investigadores de la Universidá de Columbia identifiquen el mecanismu que permite a una rara variante xenética amenorgar...

Imagen noticia
Ciencia

Un nuevu sistema de realidá aumentada nel HUCA ameyora la precisión nel allugamientu de prótesis de rodiya

Imagen noticia
Ciencia

Afayen pistes nueves sobro lo qu'asocedió nos primeros cinco minutos del universu

Un equipu internacional d'astrónomos llogró midir con una precisión nunca algamada la cantidá d'heliu que se formó darré...

Imagen noticia
Ciencia

Bombes de xabón

De xuru qu'el llector reparó daqué vegada nes bombes de xabón, na so prodixosa esfericidá, nos sos irisaos visos, o el s...

Imagen noticia
Ciencia

Un nuevu compuestu podría revolucionar los antibióticos: ataca a la bacteria ensin afarar la flora intestinal

Investigadores alemanes demuestren qu'un compuestu natural pue combatir una bacteria responsable d'infeiciones intestina...

Imagen noticia
Ciencia

Un descubrimientu accidental permite salvar corales a piques de la muerte

Investigadores de la Universidá de Stanford afayen que los corales afeutaos pol calecimientu de los océanos puen recuper...

Imagen noticia
Ciencia

Lo aprendío con DART: unos pequeños metros a tiempu pueden evitar un choque na Tierra

L'esperimentu fechu va cuatro años amuesa que ye dable modificar la trayeutoria d'un cuerpu celeste. Una sonda europea v...

Imagen noticia
Deportes

Los hermanos Pou abren otra vía en Peña Santa a la que llamen Relámpagu

Los escaladores vascos siempres amosaron sensibilidá pa col idioma asturianu

Imagen noticia
Deportes

Una seronda de senderos

Les rutes más afayadices pa combatir la señardá estacional

Imagen noticia
Deportes

Cultura crea una nueva llinia d'ayudes pa facilitar la continuidá de les muyeres profesionales del deporte tres la maternidá

La midida comprende los casos de maternidá per embaranzu, adopción o acoyimientu permanente

Imagen noticia
Deportes

L'Uviéu lleva'l derbi (2-0), énte un Sporting ensin rempuesta

Los xixoneses terminaron el partíu con unu menos, darréu de la tarxeta roxa a Gelabert nel minutu 76

Imagen noticia
Deportes

Valgrande-Payares pasa pel taller

Los trabayos superen los 300.000 euros y van obligar a pesllar temporalmente la telecabina Cuitunigru.

Imagen noticia
Deportes

La Xunta dispara les ayudes a los clubes deportivos: 350.000 euros pa entamar competiciones

La Conseyería de Cultura, Política Llingüística y Deporte algama anguaño'l so mayor presupuestu desque se creó esta llin...

Imagen noticia
Deportes

El próximu sábadu empieza'l Tour de Francia 2026

Tadej Pogačar vuelve ser el favoritu

Imagen noticia
Deportes

L'equipu d'Irán agóspiase en Tijuana énte les torgues pa ingresar n'Estaos Xuníos de cara al mundial de fútbol

La situación xenera cierta incertidume nos intregrantes

Imagen noticia
Sociedá

La Policía sigue a la gueta de «El Rusu», sospechosu del tirotéu y la esplosión mortal d'Uviéu

La Policía Nacional caltién esplegáu un ampliu operativu p'alcontrar al conocíu como «El Rusu», presuntu responsable de ...

Imagen noticia
Sociedá

Diez aerollinies y 8 destinos continentales p'Asturies

La llegada de Wizz Air, les nueves conexones mientres tol añu y l'aumentu de frecuencies consoliden la crecedera del aer...

Imagen noticia
Sociedá

Nueche murnia en Degaña: Finen dos mozos n'accidente de tráficu

Los dos finaos yeren vecinos del conceyu. El Conceyu de Degaña decretó tres díes de llutu oficial y suspendió les fieste...

Imagen noticia
Sociedá

La ría del Eo celebra'l Día d'Asturies con cuatro xornaes de cultura, tradición y fiesta

A Veiga, San Tiso d'Abres y Castropol acueyen del 5 al 8 de setiembre los actos del Día d'Asturies 2026, con actividaes ...

Imagen noticia
Sociedá

Un Cabrales de Tielve conquista'l mundu: 37500 euros pol meyor quesu del añu

La Quesería Ángel Díaz Herrero vuelve imponese per tercer añu consecutivu nel Certame del Quesu Cabrales. La pieza ganad...

Imagen noticia
Sociedá

La recaldación del Día de la Sidra en Xixón dónase a ELA Principado

Una folixa con calter solidariu

Imagen noticia
Sociedá

Asturies llora la perda d'Helena Trexu

La lliteratura asturiana pierde a una de les sos voces más comprometíes. La escritora y activista Helena Trexu Fombella,...

Imagen noticia
Sociedá

Bimenes va recuperar una vieya piscina en desusu pa convertila nuna pista multiusos

La estructura, concebida de mano pa contener una piscina, llevaba años ensin usu y va destinase a actividaes deportives ...

Imagen noticia
Aruelu

El rock d'Ilegales volverá ruxir en Xixón el 7 de payares, conciertu homenaxe de "Soldaditos de Plomo"

El Teatru Albéniz va acoyer un conciertu dedicáu a la llexendaria banda asturiana, cuando inda nun se cumplió un añu de ...

Imagen noticia
Aruelu

Ponse en marcha'l China Zorrilla, el ferry eléctricu más grande del mundu

Puede tresportar hasta 2.100 pasaxeros y 225 vehículos

Imagen noticia
Aruelu

Turismu ensin ablayar

Lleguen les exocadarmes pa caminar más y meyor

Imagen noticia
Aruelu

Owak, la playa asturiana que pocos conocen

Y sí, tien esi nome

Imagen noticia
Aruelu

Xixón conviértise esti fin de selmana na capital asturiana del cómic, el cosplay y los videoxuegos

CometCon torna del 4 al 6 de setiembre con tres díes dedicaos a la cultura pop y l'ociu alternativu. Videoxuegos, cienci...

Imagen noticia
Aruelu

WhatsApp estrena los nomes d'usuariu: más privacidá, pero tamién una nueva puerta pa los estafadores

L'aplicación va permitir contautar con otres persones per aciu d'un identificador como @nome123 ensin conocer el númberu...

Imagen noticia
Aruelu

Llanes celebra'l XXXVII Certame de Quesos del Oriente

La plaza de Santa Ana va volver a convertise esti domingu 2 d'agostu nel gran escaparate del quesu artesanal del país. D...

Imagen noticia
Aruelu

¿Quién xube a la "Casita" de Bad Bunny?

Cuerpos y validación xuvenil en redes sociales

Sigue baxando pa cargar más noticies